ಟಾಟಾ ಪರಿಚಯಿಸಲಿದೆ ಸೂಪರ್ ಆ್ಯಪ್ ಟಾಟಾ ನ್ಯೂ
ಬೆಂಗಳೂರು: ಎಲ್ಲ ರೀತಿಯ ಪಾವತಿಗೆ ಬಳಕೆಯಾಗುವ ಮತ್ತು ವಿವಿಧ ರೀತಿಯ ಸರಕು ಖರೀದಿಗೆ ಒಂದೇ ಆ್ಯಪ್ ಬಳಕೆಗೆ ಅನುಕೂಲವಾಗುವಂತೆ ಟಾಟಾ ಸಮೂಹ, ಹೊಸ ಟಾಟಾ ನ್ಯೂ ಸೂಪರ್ ಆ್ಯಪ್ ಪರಿಚಯಿಸಲು ಸಜ್ಜಾಗಿದೆ.
ಆರಂಭದಲ್ಲಿ ಪರೀಕ್ಷಾರ್ಥ ಬಳಕೆ ಸಲುವಾಗಿ ಟಾಟಾ ಉದ್ಯೋಗಿಗಳಿಗೆ ಮಾತ್ರ ಸೀಮಿತವಾಗಿದ್ದ ಆ್ಯಪ್, ನಂತರದಲ್ಲಿ ಇನ್ವೈಟ್ ಕೋಡ್ ಮೂಲಕ ಇತರರಿಗೂ ದೊರೆಯುತ್ತಿದೆ ಎಂದು ‘ಬ್ಯುಸಿನೆಸ್ ಸ್ಟಾಂಡರ್ಡ್‘ ವರದಿ ಮಾಡಿದೆ.
ರಿವಾರ್ಡ್ಸ್ ಮೂಲಕ, ಬಳಕೆದಾರರು ‘ನ್ಯೂಕಾಯಿನ್ಸ್‘ ಬಳಸಿಕೊಂಡು ಖರೀದಿಗೆ, ರಿಚಾರ್ಜ್ ಕೊಡುಗೆಗಳನ್ನು ಪಡೆಯಬಹುದು ಎಂದು ವರದಿ ಹೇಳಿದೆ.
ಟಾಟಾ ಸಮೂಹದ ವಿವಿಧ ಉದ್ಯಮಗಳಲ್ಲಿ, ಸೇವೆಗಳಲ್ಲಿ ಹೊಸ ಟಾಟಾ ನ್ಯೂ ಸೂಪರ್ ಆ್ಯಪ್ ಬಳಕೆ ಮಾಡುವುದರ ಮೂಲಕ ಗ್ರಾಹಕರು ವಿವಿಧ ಕೊಡುಗೆಗಳ ಪ್ರಯೋಜನ ಪಡೆಯಬಹುದಾಗಿದೆ.
ಮುಂದಿನ ದಿನಗಳಲ್ಲಿ ಹಣಕಾಸು ಪಾವತಿ, ಫೈನಾನ್ಸ್ ಸೇವೆಗಳನ್ನು ಕೂಡ ಟಾಟಾ ನ್ಯೂ ಆ್ಯಪ್ ಮೂಲಕ ಒದಗಿಸಲು ಸಿದ್ಧತೆ ನಡೆಸಿದ್ದು, ರಾಷ್ಟ್ರೀಯ ಪಾವತಿ ನಿಗಮದೊಂದಿಗೆ ಮಾತುಕತೆ ನಡೆಸುತ್ತಿದೆ ಎಂದು ವರದಿಗಳು ಹೇಳಿವೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.