ಟೆಕ್‌ ಮಹೀಂದ್ರ ಲಾಭ ಶೇ 61ರಷ್ಟು ಇಳಿಕೆ

ನವದೆಹಲಿ: ಟೆಕ್ ಮಹೀಂದ್ರ ಕಂಪನಿಯ ನಿವ್ವಳ ಲಾಭವು ಪ್ರಸಕ್ತ ಹಣಕಾಸು ವರ್ಷದ ಸೆಪ್ಟೆಂಬರ್ ತ್ರೈಮಾಸಿಕದಲ್ಲಿ ಶೇ 61ರಷ್ಟು ಇಳಿಕೆ ಕಂಡು ₹505 ಕೋಟಿಗೆ ತಲುಪಿದೆ. ಹಿಂದಿನ ಹಣಕಾಸು ವರ್ಷದ ಇದೇ ಅವಧಿಯಲ್ಲಿ ಕಂಪನಿಯ ಲಾಭವು ₹1,299 ಕೋಟಿಯಷ್ಟು ಇತ್ತು.

ಕಾರ್ಯಾಚರಣಾ ವರಮಾನ ಶೇ 2ರಷ್ಟು ಇಳಿಕೆ ಕಂಡು ₹12,864 ಕೋಟಿಗೆ ತಲುಪಿದೆ. ಹಿಂದಿನ ಅವಧಿಯಲ್ಲಿ ₹13,129 ಕೋಟಿಯಷ್ಟು ಇತ್ತು.

ಸಂವಹನ, ಮಾಧ್ಯಮ ಮತ್ತು ಮನರಂಜನೆ ವಿಭಾಗಗಳಲ್ಲಿನ ವಹಿವಾಟು ಶೇ 11.5ರಷ್ಟು ಇಳಿಕೆ ಕಂಡಿದೆ. ಬ್ಯಾಂಕಿಂಗ್‌, ಹಣಕಾಸು ಸೇವೆಗಳು ಮತ್ತು ವಿಮಾ ವಹಿವಾಟು ಶೇ 6.3ರಷ್ಟು ಇಳಿಕೆ ಆಗಿದೆ ಎಂದು ಕಂಪನಿ ತಿಳಿಸಿದೆ. ಕಂಪನಿಯು ಯುರೋಪ್‌ ವಹಿವಾಟು ಶೇ 8.6ರಷ್ಟು ಮತ್ತು ಇತರ ದೇಶಗಳೊಂದಿಗಿನ ವಹಿವಾಟು ಒಟ್ಟು ಶೇ 11ರಷ್ಟು ಇಳಿಕೆ ಕಂಡಿದೆ ಎಂದು ಹೇಳಿದೆ.

ಒಟ್ಟು ಸಿಬ್ಬಂದಿ ಸಂಖ್ಯೆ 1.63 ಲಕ್ಷದಿಂದ 1.50 ಲಕ್ಷಕ್ಕೆ ಶೇ 81.ರಷ್ಟು ಇಳಿಕೆ ಕಂಡಿದೆ. ಕಂಪನಿ ತೊರೆಯುತ್ತಿರುವವರ ಪ್ರಮಾಣವು ಶೇ 20ರಿಂದ ಶೇ 11ಕ್ಕೆ ಇಳಿಕೆ ಕಂಡಿರುವುದಾಗಿ ಅದು ಹೇಳಿದೆ.