ಟೊಯೊಟ ವಿಶೇಷ ಆಯ್ದ ಆವೃತ್ತಿಯ ಕಾರು ಬಿಡುಗಡೆ

ಬೆಂಗಳೂರು: ವಾಹನ ತಯಾರಿಕಾ ಕಂಪನಿ ಟೊಯೊಟ ಕಿರ್ಲೋಸ್ಕರ್ ಮೋಟರ್ಸ್‌ (ಟಿಕೆಎಂ) ಗ್ಲಾಂಝಾ, ಅರ್ಬನ್ ಕ್ರೂಸರ್ ಟೈಸರ್ ಮತ್ತು ಅರ್ಬನ್ ಕ್ರೂಸರ್ ಹೈರೈಡರ್‌ಗಳ ವಿಶೇಷ ಆಯ್ದ ಆವೃತ್ತಿಯನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ.

ಟೊಯೊಟ ಸಂಸ್ಥೆಯು ಇತ್ತೀಚೆಗೆ ಟೊಯೊಟ ಜೆನ್ಯೂನ್ ಆಕ್ಸೆಸರಿ (ಟಿಜಿಎ) ಪ್ಯಾಕೇಜ್‌ಗಳನ್ನು ಪ್ರಕಟಿಸಿತ್ತು. ಹಬ್ಬದ ಋತುವಿನ ಆಯ್ದ ಈ ಆವೃತ್ತಿಗಳಿಗೆ ಗ್ರಾಹಕರಿಂದ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದೆ.

ಗ್ರಾಹಕರಿಗೆ ತಮ್ಮ ವಾಹನಗಳನ್ನು ವೈಯಕ್ತೀಕರಿಸಲು ಅನುವು ಮಾಡಿಕೊಡಲು ಈ ಆವೃತ್ತಿಗಳನ್ನು ಅನಾವರಣ ಮಾಡಲಾಗಿದೆ. ಖರೀದಿದಾರರು ತಮ್ಮ ಇಷ್ಟದ ಟೊಯೊಟ ಮಾಡೆಲ್‌ನ ವಿಶೇಷವಾಗಿ ಅಪ್‌ಗ್ರೇಡ್ (ನವೀಕರಿಸಿದ) ಮಾಡಿದ ಆವೃತ್ತಿಯ ಕಾರನ್ನು ಖರೀದಿಸಬಹುದಾಗಿದೆ ಎಂದು ತಿಳಿಸಿದೆ. 

ಗ್ರಾಹಕರಿಗೆ ಖರೀದಿ ವೇಳೆ ವಿಶೇಷ ಪ್ಯಾಕೇಜ್ ಅಥವಾ ವರ್ಷಾಂತ್ಯದ ವಿಶೇಷ ಆಫರ್‌ ಅನ್ನು ಆಯ್ಕೆ ಮಾಡಿಕೊಳ್ಳುವ ಸೌಲಭ್ಯ ಒದಗಿಸಲಾಗಿದೆ ಎಂದು ತಿಳಿಸಿದೆ.

ಗ್ಲಾಂಝಾ, ಅರ್ಬನ್ ಕ್ರೂಸರ್ ಟೈಸರ್ ಮತ್ತು ಅರ್ಬನ್ ಕ್ರೂಸರ್ ಹೈರೈಡರ್ ಪ್ಯಾಕೇಜ್ ಮೌಲ್ಯ ಕ್ರಮವಾಗಿ ₹17,381, ₹17,931 ಮತ್ತು ₹50,817 ಆಗಿದೆ.‌

ವಿಶೇಷ ಆಯ್ದ ಆವೃತ್ತಿ ಹೊರತಾಗಿ ಗ್ಲಾಂಝಾ, ಅರ್ಬನ್ ಕ್ರೂಸರ್ ಟೈಸರ್ ಮತ್ತು ರೂಮಿಯನ್ (ಸಿಎಜಿ ಮಾಡೆಲ್‌ಗಳನ್ನು ಹೊರತುಪಡಿಸಿ) ಮೇಲೆ ₹1 ಲಕ್ಷಕ್ಕಿಂತ ಹೆಚ್ಚಿನ ವರ್ಷಾಂತ್ಯದ ವಿಶೇಷ ಆಫರ್‌ ನೀಡಿದೆ. ಈ ಆಫರ್ ಡಿಸೆಂಬರ್ 31ರ ವರೆಗೆ ಮಾತ್ರ ಲಭ್ಯ ಇರುತ್ತದೆ ಎಂದು ತಿಳಿಸಿದೆ.

ಹೆಚ್ಚಿನ ಮಾಹಿತಿಗೆ www.toyotabharat.com/online-booking ಭೇಟಿ ನೀಡಬಹುದಾಗಿದೆ.