ಟೊಯೊಟ ವಾಹನ ಬೆಲೆ ಶೇ 1ರಷ್ಟು ಹೆಚ್ಚಳ

ನವದೆಹಲಿ: ದೇಶದ ಪ್ರಮುಖ ವಾಹನ ತಯಾರಿಕಾ ಕಂಪನಿಯಾದ ಟೊಯೊಟ ಕಿರ್ಲೋಸ್ಕರ್‌ ಮೋಟರ್ (ಟಿಕೆಎಂ) ತನ್ನ ಆಯ್ದ ಶ್ರೇಣಿಯ ಕಾರುಗಳ ಬೆಲೆಯನ್ನು ಶೇ 1ರಷ್ಟು ಹೆಚ್ಚಿಸಲು ನಿರ್ಧರಿಸಿದೆ.

ಏಪ್ರಿಲ್‌ 1ರಿಂದ ಈ ಬೆಲೆ ಹೆಚ್ಚಳ ಜಾರಿಗೆ ಬರಲಿದೆ.

‘ತಯಾರಿಕಾ ವೆಚ್ಚದ ಏರಿಕೆ ಹಾಗೂ ಕಾರ್ಯಾಚರಣೆಯ ಖರ್ಚನ್ನು ಸರಿದೂಗಿಸಲು ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ಕಂಪನಿಯು ಗುರುವಾರ ತಿಳಿಸಿದೆ.

ಟೊಯೊಟದ ಹ್ಯಾಚ್‌ಬ್ಯಾಕ್‌ ಕಾರು ‘ಗ್ಲಾನ್ಸಾ’ದ ಎಕ್ಸ್‌ ಷೋರೂಂ ಬೆಲೆಯು ₹6.86 ಲಕ್ಷ ಇದ್ದರೆ, ಎಸ್‌ಯುವಿ ಫಾರ್ಚುನರ್‌ ಕಾರಿನ ಎಕ್ಸ್‌ ಷೋರೂಂ ಬೆಲೆಯು ₹51.44 ಲಕ್ಷ ಇದೆ.