ವಿಜಯ ಬ್ಯಾಂಕ್‌ ಷೇರುದಾರರ ಸಭೆ

ಬೆಂಗಳೂರು: ವಿಜಯ ಬ್ಯಾಂಕ್‌ನ ಷೇರುದಾರರ 18ನೇ ವಾರ್ಷಿಕ ಸಾಮಾನ್ಯ ಸಭೆಯು ಶುಕ್ರವಾರ ಇಲ್ಲಿ ಜರುಗಿತು.

‘ಹಲವಾರು ಸವಾಲುಗಳ ಮಧ್ಯೆಯೂ ಬ್ಯಾಂಕ್‌, 2017–18ರಲ್ಲಿ ಅತ್ಯುತ್ತಮ ಹಣಕಾಸು ಸಾಧನೆ ಮಾಡಿದೆ. ತಲಾ ₹ 10 ಮುಖಬೆಲೆಯ ಪ್ರತಿ ಷೇರಿಗೆ ಬ್ಯಾಂಕ್‌ ₹ 1.20ರಂತೆ ಲಾಭಾಂಶ ಘೋಷಿಸಿದೆ’ ಎಂದು ಬ್ಯಾಂಕ್‌ನ ಅಧ್ಯಕ್ಷ ಜಿ. ನಾರಾಯಣನ್‌ ಹೇಳಿದರು.

‘ಈ ವರ್ಷದ ಮಾರ್ಚ್ ಅಂತ್ಯಕ್ಕೆ ಬ್ಯಾಂಕ್‌ ಒಟ್ಟಾರೆ ₹ 2.75 ಲಕ್ಷ ಕೋಟಿಗಳಷ್ಟು ವಹಿವಾಟು ನಡೆಸಿದೆ. ₹ 727 ಕೋಟಿಗಳಷ್ಟು ನಿವ್ವಳ ಲಾಭ ಗಳಿಸಿದೆ. ಹಿಂದಿನ ವರ್ಷ 107 ಹೊಸ ಶಾಖೆಗಳನ್ನು ತೆರೆಯಲಾಗಿದ್ದು, ಶಾಖೆಗಳ ಸಂಖ್ಯೆ ಈಗ 2,136ಕ್ಕೆ ಏರಿದೆ’ ಎಂದರು.