ವೊಡಾಫೋನ್‌ನಲ್ಲಿ 11 ಸಾವಿರ ಉದ್ಯೋಗ ಕಡಿತ

ಲಂಡನ್: ಬ್ರಿಟಿಷ್‌ ದೂರಸಂಪರ್ಕ ಸೇವಾ ಕಂಪನಿ ವೊಡಾಫೋನ್‌ ಮುಂದಿನ ಮೂರು ವರ್ಷಗಳಲ್ಲಿ 11 ಸಾವಿರ ನೌಕರರನ್ನು ಕೆಲಸದಿಂದ ತೆಗೆಯಲಿದೆ.

ಕಂಪನಿಯ ಹೊಸ ಸಿಇಒ, ಕಂಪನಿಯನ್ನು ಇನ್ನಷ್ಟು ‘ಸರಳಗೊಳಿಸಲು’ ಬಯಸಿರುವ ಕಾರಣ ಈ ಕ್ರಮ ಅನುಸರಿಸಲು ತೀರ್ಮಾನಿಸಲಾಗಿದೆ.

11 ಸಾವಿರ ನೌಕರರನ್ನು ಕೆಲಸದಿಂದ ತೆಗೆದರೆ ವೊಡಾಫೊನ್ ಕಂಪನಿಯು ತನ್ನ ಒಟ್ಟು ನೌಕರರಲ್ಲಿ ಶೇಕಡ 10ಕ್ಕಿಂತ ಹೆಚ್ಚಿನ ನೌಕರರನ್ನು ವಜಾಗೊಳಿಸಿದಂತೆ ಆಗುತ್ತದೆ.