₹750 ಕೋಟಿ ತೆರಿಗೆ ಬಾಕಿ: ಜೊಮಾಟೊ, ಸ್ವಿಗ್ಗಿಗೆ ನೋಟಿಸ್ ಜಾರಿ ಮಾಡಿದ ಡಿಜಿಜಿಐ

ಬೆಂಗಳೂರು: ಆಹಾರ ವಿತರಣಾ ಕ್ಷೇತ್ರದ ಜೊಮಾಟೊ ಹಾಗೂ ಸ್ವಿಗ್ಗಿ ಕಂಪನಿಗಳು ಬಾಕಿ ಉಳಿಸಿಕೊಂಡ ₹750 ಕೋಟಿಯಷ್ಟು ಪರೋಕ್ಷ ತೆರಿಗೆಯನ್ನು ಪಾವತಿಸುವಂತೆ ಜಿಎಸ್‌ಟಿ ಗುಪ್ತದಳದ ಡೈರೆಕ್ಟರ್ ಜನರಲ್‌ (ಡಿಜಿಜಿಐ) ನೋಟಿಸ್ ಜಾರಿ ಮಾಡಿದೆ.

‘ಇದರಲ್ಲಿ ಜೊಮಾಟೊದಿಂದ ₹400 ಕೋಟಿ ಹಾಗೂ ಸ್ವಿಗ್ಗಿಯಿಂದ ₹350ಕೋಟಿ ತೆರಿಗೆ ಸರ್ಕಾರಕ್ಕೆ ಪಾವತಿಯಾಗಬೇಕಿದೆ’ ಎಂದು ಮೂಲಗಳು ತಿಳಿಸಿವೆ.

‘ಸೇವಾ ವಲಯದಲ್ಲಿರುವ ಜೊಮಾಟೊ ಮತ್ತು ಸ್ವಿಗ್ಗಿ ಕಂಪನಿಗಳು ಸರಕು ಮತ್ತು ಸೇವಾ ತೆರಿಗೆ ಪಾವತಿ ವ್ಯಾಪ್ತಿಗೆ ಒಳಪಡುತ್ತವೆ. ಈ ತೆರಿಗೆ ಬಾಕಿಯು 2017ರ ಜುಲೈನಿಂದ 2023ರ ಮಾರ್ಚ್‌ವರೆಗಿನದಾಗಿದೆ’ ಎಂದು ಸಿಎನ್‌ಬಿಸಿ–ಟಿವಿ18 ವರದಿ ಮಾಡಿದೆ.

ಈ ಕುರಿತು ಪ್ರತಿಕ್ರಿಯೆಗೆ ಜೊಮಾಟೊ ನಿರಾಕರಿಸಿದೆ. ಸ್ವಿಗ್ಗಿ ಮತ್ತು ಡಿಜಿಜಿಐ ತಕ್ಷಣಕ್ಕೆ ಪ್ರತಿಕ್ರಿಯಿಸಲಿಲ್ಲ ಎಂದು ರಾಯಿಟರ್ಸ್ ವರದಿ ಮಾಡಿದೆ.