ಬಾಗಲಕೋಟೆ | ಅದ್ದೂರಿ ಗಣೇಶ ಮೆರವಣಿಗೆ

ಬಾಗಲಕೋಟೆ: ಗಣೇಶ ಉತ್ಸವದ ಒಂಬತ್ತನೇ ದಿನವಾದ ಭಾನುವಾರ ಜಿಲ್ಲೆಯ ವಿವಿಧೆಡೆ ಗಣೇಶ ಮೂರ್ತಿಗಳ ವಿಸರ್ಜನೆ ಮಾಡಲಾಯಿತು.

ಮಾತೃಭೂಮಿ ಯುವಕ ಮಂಡಳದ ಹಿಂದೂ ಮಹಾಗಣಪತಿ ಮೆರವಣಿಗೆಯು ವಿವಿಧ ಕಲಾ ತಂಡಗಳೊಂದಿಗೆ ಅದ್ದೂರಿಯಾಗಿ ನಡೆಯಿತು.

ಸಾಂಗ್ಲಿಯ 130 ಜನರನ್ನೊಳಗೊಂಡ ಡೋಲ್‌ತಾಷಾ ಪಥಕ ತಂಡದ ತಾಳಕ್ಕೆ ಯುವಕರು ಹೆಜ್ಜೆ ಹಾಕಿದರು. ಮಂಗಳೂರಿನ ಓಂಕಾರ ಕುಣಿತ ಭಜನಾ ಮಂಡಳಿ ಹಾಗೂ ಉಡುಪಿಯ 35 ಜನರ ಚಂಡೆ ವಾದನ ತಂಡಗಳು ಗಮನ ಸೆಳೆದವು. ಜನರು ರಸ್ತೆ ಬದಿಗಳಲ್ಲಿ ನಿಂತು ವೀಕ್ಷಿಸಿದರು.

ಮಧ್ಯಾಹ್ನ 2.30ಕ್ಕೆ ಆರಂಭವಾದ ಮೆರವಣಿಗೆ ರಾತ್ರಿಯವರೆಗೂ ಮುಂದುವರೆದಿತ್ತು. ಯುವಕರು ಸಂಭ್ರಮದಿಂದ ಹೆಜ್ಜೆ ಹಾಕುತ್ತಿದ್ದರು.‌