ಬಾಗಲಕೋಟೆ: ಅಫೀಮು ಮಾರಾಟಕ್ಕೆ ಯತ್ನ, ಪಂಜಾಬ್‌ನ ಇಬ್ಬರು ಬಂಧನ

ಬಾಗಲಕೋಟೆ: ಪಂಜಾಬ್‌ನಿಂದ ಅಫೀಮು ತಂದು ಬೀಳಗಿ ಪಟ್ಟಣದಲ್ಲಿ ಮಾರಾಟಕ್ಕೆ ಪ್ರಯತ್ನಿಸಿದ ಇಬ್ಬರನ್ನು ಅಬಕಾರಿ ಇಲಾಖೆ ಅಧಿಕಾರಿಗಳು ಗುರುವಾರ ವಶಪಡಿಸಿಕೊಂಡಿದ್ದಾರೆ.

ಪಂಜಾಬ್ ನ ಪಟಿಯಾಲಾದ ಗುರುಭಕ್ಷ್ ಕಾಲೊನಿಯ ನಿವಾಸಿ ಲಾರಿ ಚಾಲಕ ಭಕ್ಷೀಸ್ ಸಿಂಗ್ (43) ಹಾಗೂ ಲಾರಿಯ ಮಾಲೀಕ ಪ್ರೀತ್ಪಾಲ್ ಸಿಂಗ್ (63) ಬಂಧಿತರು.

ಆರೋಪಿಗಳಿಂದ ₹5 ಲಕ್ಷ ಮೌಲ್ಯದ 10 ಕೆ.ಜಿ ಅಫೀಮು ಪೌಡರ್ ವಶಪಡಿಸಿಕೊಳ್ಳಲಾಗಿದೆ.

ಬೀಳಗಿಯ ಹುಬ್ಬಳ್ಳಿ-ಸೊಲ್ಲಾಪುರ ರಾಷ್ಟ್ರೀಯ ಹೆದ್ದಾರಿ 218ಕ್ಕೆ ಹೊಂದಿಕೊಂಡಿರುವ ಕನಕದಾಸ ವೃತ್ತದಲ್ಲಿ ಗಸ್ತು ನಡೆಸುವಾಗ ಅನುಮಾನಾಸ್ಪದವಾಗಿ ತಿರುಗುತ್ತಿದ್ದ ಇಬ್ಬರನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ ಪ್ರಕರಣ ಬೆಳಕಿಗೆ ಬಂದಿದೆ.