ಕೆರೂರ | ಅಕ್ರಮ ಗೋ ಸಾಗಣೆ: ಆರೋಪಿ ಪೋಲಿಸರ ವಶಕ್ಕೆ

ಕೆರೂರ: ಅಕ್ರಮವಾಗಿ‌ ಗೋ ಸಾಗಣೆ ಮಾಡುತ್ತಿದ್ದ ಎರಡು ಎತ್ತು, ವಾಹನ ಸಹಿತ ಆರೋಪಿಯನ್ನು ಪೋಲಿಸರು ವಶಪಡಿಸಿಕೊಂಡಿದ್ದಾರೆ.

ಮಹ್ಮದರಫೀಕ್ ಅತ್ತಾರ ಬಂಧಿತ. ಈತ ಪಟ್ಟಣದ ಬಟಕುರ್ಕಿ ಕ್ರಾಸ್ ಹತ್ತಿರ ಶನಿವಾರ ಸಂಜೆ ಬಾದಾಮಿಯಿಂದ ಕೆರೂರ ಕಡೆಗೆ ಅನುಮತಿ ಪತ್ರ ಇಲ್ಲದೇ ಗೋ ಸಾಗಣೆ ಮಾಡುತ್ತಿದ್ದ.

ಈತ ವಾಹನದಲ್ಲಿ ಎತ್ತುಗಳನ್ನು ಒಂದಕ್ಕೊಂದು ತಾಗಿಕೊಂಡು ಹಿಂಸೆಯಾಗುವಂತೆ ಕಟ್ಟಿ ಸಾಗಣೆ ಮಾಡುತ್ತಿದ್ದಾಗ ಪೋಲಿಸರು ಬಂಧಿಸಿದ್ದಾರೆ. ವಶಪಡಿಸಿಕೊಂಡ ಎತ್ತುಗಳನ್ನು ಬಾಗಲಕೋಟೆ ಗೋಶಾಲೆಗೆ ಕಳುಹಿಸಲಾಗಿದೆ.

ಸಿಪಿಐ ಕರೆಯಪ್ಪ ಬನ್ನೆ, ಪಿಎಸ್‌ಐ ಕುಮಾರ ಹಿತ್ತಲಮನಿ, ಸಿಬ್ಬಂದಿಗಳಾದ ಪರಶುರಾಮ ಸೋರಕಟ್ಟಿ, ಹನಮಂತಗೌಡ ಗೌಡರ, ಪ್ರವೀಣ ಗಾಟಗೆ ಇದ್ದರು.