ಸ್ವಾತಂತ್ರೋತ್ಸವಕ್ಕೆ ‘ಗೂಗಲ್‌’ ಶುಭಾಶಯ: ಡೂಡಲ್‌ನಲ್ಲಿ ಇಳಕಲ್‌ ಸೀರೆ
Published 16 ಆಗಸ್ಟ್ 2023, 5:28 IST
ಇಳಕಲ್‌ ಸೀರೆಯ ವಿಶೇಷ ಟೋಪತೇನಿ ಸೆರಗು ಬಳಸಿ ಸ್ವಾತಂತ್ರೋತ್ಸವ ಅಂಗವಾಗಿ ಗೂಗಲ್‌ನಲ್ಲಿ ಕಂಡುಬಂದ ವಿಶೇಷ ಡೂಡಲ್‌ (ಇಳಕಲ್‌ ಸೀರೆಯ ಸೆರಗು ಕೆಳಗಿನ ಸಾಲಿನಲ್ಲಿ ಎಡದಿಂದ 5ನೇಯದ್ದು)
ಇಳಕಲ್‌ (ಬಾಗಲಕೋಟೆ ಜಿಲ್ಲೆ): ಭಾರತದ ವೈವಿಧ್ಯಮಯ ಜವಳಿ ಪರಂಪರೆಯನ್ನು ಬಿಂಬಿಸುವ ಡೂಡಲ್‌ ಮೂಲಕ ಸ್ವಾತಂತ್ರೋತ್ಸವಕ್ಕೆ ‘ಗೂಗಲ್‌’ ಶುಭಾಶಯ ಕೋರಿದ್ದು, ಈ ವಿಶೇಷ ಡೂಡಲ್‌ನಲ್ಲಿ ದೇಶದ ಪ್ರಮುಖ 20 ಪ್ರಕಾರದ ಸೀರೆಗಳಲ್ಲಿ ಇಳಕಲ್‌ ಸೀರೆಯೂ ಸ್ಥಾನ ಪಡೆದಿದೆ.
ದೆಹಲಿ ಕಲಾವಿದೆ ನಮ್ರತಾ ಕುಮಾರ್‌ ಅವರು ಈ ಡಿಜಿಟಲ್‌ ಕಲಾಕೃತಿ ರಚಿಸಿದ್ದು, ವಿವಿಧ ರಾಜ್ಯಗಳಲ್ಲಿ ಸಿದ್ಧಗೊಳ್ಳುವ ವಿಶೇಷ ಸೀರೆಗಳನ್ನು ಇದು ಒಳಗೊಂಡಿದೆ. ಇಳಕಲ್‌ ಸೀರೆಯ ‘ಟೋಪತೇನಿ’ ವಿನ್ಯಾಸದ ವಿಶಿಷ್ಟ ಸೆರಗನ್ನು ಕಲಾಕೃತಿಯಲ್ಲಿ ಬಳಸಿಕೊಳ್ಳಲಾಗಿದೆ.
ಈ ವಿಶೇಷ ಡೂಡಲ್‌ನ್ನು ನಗರದ ಯುವಕರು ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.