ಬಾದಾಮಿ | ಬಾರದ ಮಳೆ; ಬೀಜ ಖರೀದಿಗೆ ರೈತರ ಹಿಂದೇಟು

ಬಾದಾಮಿ: ತಾಲ್ಲೂಕಿನ ಮುಂಗಾರು ಹಂಗಾಮಿನ ಬಿತ್ತನೆಗೆ ರೈತರಿಗೆ ವಿತರಿಸಲು ರೈತ ಸಂಪರ್ಕ ಕೇಂದ್ರದಲ್ಲಿ ಅಗತ್ಯ ಬೀಜ ದಾಸ್ತಾನು ಮಾಡಲಾಗಿದೆ ಎಂದು ಸಹಾಯಕ ಕೃಷಿ ನಿರ್ದೇಶಕ ಅಶೋಕ ತಿರಕನ್ನವರ ಹೇಳಿದರು.

ಮಳೆಯ ಕೊರತೆಯಿಂದ ರೈತರು ಬೀಜ ಖರೀದಿಸಲು ಬರುತ್ತಿಲ್ಲ. ಹೆಸರು, ತೊಗರಿ, ಮೆಕ್ಕೆಜೋಳ, ಸಜ್ಜೆ, ಸೂರ್ಯಕಾಂತಿ ಮತ್ತು ಹೈಬ್ರಿಡ್ ಜೋಳ ಸೇರಿದಂತೆ ಒಟ್ಟು 688 ಕ್ವಿಂಟಲ್ ಬೀಜ ದಾಸ್ತಾನು ಮಾಡಲಾಗಿದೆ.

ಇದುವರೆಗೆ 301 ಕ್ವಿಂಟಲ್ ಬೀಜವನ್ನು 6200 ರೈತರಿಗೆ ವಿತರಿಸಲಾಗಿದೆ. ಇನ್ನೂ 376 ಕ್ವಿಂಟಲ್ ಬೀಜ ದಾಸ್ತಾನು ಇದೆ ಎಂದು ಹೇಳಿದರು.