ಬಿ.ಆರ್.ನಟರಾಜ್ ನಿಧನ

ಬಳ್ಳಾರಿ: ನಗರದ ವಕೀಲ, ಚಲನಚಿತ್ರ ನಟ, ನಿರ್ಮಾಪಕ, ನಿರ್ದೇಶಕರೂ ಆಗಿದ್ದ ಬಿ.ಆರ್.ನಟರಾಜ್ (73) ಮಂಗಳವಾರ ನಿಧನರಾದರು.

ಅವರಿಗೆ ಪತ್ನಿ, ಇಬ್ಬರು ಪುತ್ರಿಯರು ಇದ್ದಾರೆ.

ಲೇಖಕ ಬರಗೂರು ರಾಮಚಂದ್ರಪ್ಪ ತಮ್ಮ ‘ಸೂರ್ಯ' ಕಾದಂಬರಿಯನ್ನು ಆಧರಿಸಿ ನಿರ್ದೇಶಿಸಿದ್ದ ಸಿನಿಮಾವನ್ನು, ನಟರಾಜ್ 1985ರಲ್ಲಿ ನಿರ್ಮಿಸಿ ಮುಖ್ಯಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.

ರಾಜ್ಯಮಟ್ಟದ ಅತ್ಯುತ್ತಮ ಪ್ರಶಸ್ತಿ ಪಡೆದಿದ್ದ ಸಿನಿಮಾ ಮಾಸ್ಕೋ ಇಂಟರ್‌ ನ್ಯಾಷನಲ್ ಫಿಲಂ ಫೆಸ್ಟಿವಲ್‍ಗೆ ಆಯ್ಕೆಯಾಗಿತ್ತು. ನಂತರದಲ್ಲಿ ನಟರಾಜ್ ‘ಕೆಂಪು ನಿಶಾನಿ’ ಸಿನಿಮಾ ನಿರ್ಮಿಸಿದ್ದರು.