ಹೆರಕಲ್: ಕೃಷಿಹೊಂಡದಲ್ಲಿ ಮೊಸಳೆ

ತೆಕ್ಕಲಕೋಟೆ: ಸಮೀಪದ ತುಂಗಭದ್ರಾ ನದಿ ಪಾತ್ರದ ಹೆರಕಲ್ ಗ್ರಾಮದ ನಾಗರಾಜ ಗೌಡ ಇವರ ಕೃಷಿಹೊಂಡದಲ್ಲಿ ಮೊಸಳೆ ಕಂಡು ಬಂದಿದ್ದು ಗ್ರಾಮಸ್ಥರ ಆತಂಕಕ್ಕೆ ಕಾರಣವಾಗಿತ್ತು.

ವಿಷಯ ತಿಳಿದ ಅರಣ್ಯ ಇಲಾಖೆಯ ಅಧಿಕಾರಿಗಳು ಮೊಸಳೆ ಹಿಡಿಯುವ ಹಳೆಕೋಟೆ ಗ್ರಾಮದ ವೇಷಗಾರ ಮಲ್ಲಯ್ಯರನ್ನು ಕರೆಸಿ ಮೊಸಳೆ ಹಿಡಿಯಲು ಹರಸಾಹಸ ಪಟ್ಟಿದ್ದಾರೆ.

ಕೃಷಿ ಹೊಂಡದಲ್ಲಿ ಎರಡು ಮೊಸಳೆಗಳು ಕಂಡು ಬಂದಿದ್ದು ಅವನ್ನು ಹಿಡಿದು ಸಮೀಪದ ತುಂಗಭದ್ರಾ ನದಿಗೆ ಬಿಡಲಾಯಿತು ಎಂದು ಅರಣ್ಯ ಅಧಿಕಾರಿ ಅಮ್ಮಣ ನಾಯಕ ತಿಳಿಸಿದ್ದಾರೆ.