ವೈದ್ಯ, ರೋಗಿ ಸಂಬಂಧ ಗಟ್ಟಿ | ಭದ್ರತಾ ಯೋಜನೆಯ ಅತ್ಯುತ್ತಮ: ಡಾ.ಮಧುಸೂದನ್

ಸಿರುಗುಪ್ಪ: ವೈದ್ಯ ಮತ್ತು ರೋಗಿಗಳ ಸಂಬಂಧವನ್ನು ಗಟ್ಟಿಗೊಳಿಸುವಲ್ಲಿ ವೈದ್ಯ ವೃತ್ತಿ ಭದ್ರತಾ ಯೋಜನೆಯ ಅತ್ಯುತ್ತಮ ಪಾತ್ರ ವಹಿಸುತ್ತದೆ ಎಂದು ಭಾರತೀಯ ವೈದ್ಯಕೀಯ ಸಂಘ ಕರ್ನಾಟಕ ರಾಜ್ಯ ಶಾಖೆಯ ವೈದ್ಯ ವೃತ್ತಿ ಭದ್ರತಾ ಯೋಜನೆಯ ರಾಜ್ಯಾಧ್ಯಕ್ಷ ಡಾ.ಮಧುಸೂದನ್ ಕಾರಿಗನೂರು ಹೇಳಿದರು.

ನಗರದ ವೈಷ್ಣವಿ ಸಭಾಂಗಣದಲ್ಲಿ ಸೃಜನಾ ಪ್ರತಿಷ್ಠಾನದ ವತಿಯಿಂದ ಸೋಮವಾರ ಹಮ್ಮಿಕೊಂಡಿದ್ದ ವಾರ್ಷಿಕ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ವೈದ್ಯರು ಆತಂಕದ ಸಮಯದಲ್ಲಿ ಕಾನೂನಿನ ನೆರವು ಮತ್ತು ಧೈರ್ಯ ನೀಡುವ ಭರವಸೆಯನ್ನು ಈ ಯೋಜನೆಯು ವಕೀಲರ ಸಹಾಯವನ್ನು ನೀಡುತ್ತಿದೆ ಎಂದರು.

ಹಾಸ್ಯ ಕಲಾವಿದ ನರಸಿಂಹ ಮೂರ್ತಿ ಮಾತನಾಡಿದರು. ಡಾ.ಮಧುಸೂದನ ಕಾರಿಗನೂರು ಅವರನ್ನು ಸನ್ಮಾನಿಸಲಾಯಿತು. ಸದಸ್ಯರಾದ ಡಾ. ಪ್ರಭಾವತಿ ಕಾರಿಗನೂರು, ಡಾ.ಗಂಗಮ್ಮ, ಎಸ್.ಎಂ.ಹಿರೇಮಠ, ವೆಂಕಟೇಶ್ ಯಾದವ್, ವೆಂಕಟೇಶ್ ಕೆ, ಪ್ರವೀಣ್ ಕುಮಾರ್, ಎಂ.ವೀರೇಶ್ ಸ್ವಾಮಿ, ವಿನೋದ್ ಕುಮಾರ್, ಬಿ.ಶಿವಗಣೇಶ್ ಇದ್ದರು.