ಕೊಟ್ಟೂರು | ಮಳೆ–ಗಾಳಿ: ಧರೆಗುರುಳಿದ ಮರ

ಕೊಟ್ಟೂರು: ಪಟ್ಟಣದಲ್ಲಿ ಗುರುವಾರ ಮಧ್ಯಾಹ್ನ ಅರ್ಧ ಗಂಟೆಗೂ ಹೆಚ್ಚು ಕಾಲ ಮಳೆಯಾಗಿದೆ.

ಗಾಳಿ– ಮಳೆ ರಭಸಕ್ಕೆ ಹಲವೆಡೆ ವಿದ್ಯುತ್ ಕಂಬಗಳು ಹಾಗೂ ಮರಗಳು  ಧರೆಗುರುಳಿವೆ. ಕೆಲವು ಗ್ರಾಮಗಳಲ್ಲಿ ಮನೆಗಳ ಚಾವಣಿ ಕಿತ್ತುಹೋಗಿವೆ. ಕೆಲವೆಡೆ ಮರಗಳು ವಿದ್ಯುತ್ ತಂತಿಗಳ ಮೇಲೆ ಬಿದ್ದ ಪರಿಣಾಮ ಕೆಲಕಾಲ ವಿದ್ಯುತ್ ಸಂಚಾರದಲ್ಲಿ ವ್ಯತ್ಯಯ ಉಂಟಾಯಿತು.

ಕೊಟ್ಟೂರು ಹೋಬಳಿಯಲ್ಲಿ 38.2 ಮಿ.ಮೀ, ಕೋಗಳಿ ಹೋಬಳಿಯಲ್ಲಿ 6.2 ಮಿ.ಮೀ  ಹಾಗೂ ತಾಲ್ಲೂಕಿನಾದ್ಯಂತ ಒಟ್ಟು ಸರಾಸರಿ 22.2 ಮಿ.ಮೀ ಮಳೆಯಾಗಿದೆ.