ಸಂಡೂರು: ಭಾರಿ ಮಳೆಗೆ ಜಲಾವೃತಗೊಂಡ ವಾಹನಗಳು

ಸಂಡೂರು: ತಾಲ್ಲೂಕಿನಲ್ಲಿ ಶುಕ್ರವಾರ ರಾತ್ರಿ ಹಾಗೂ ಶನಿವಾರ ಬೆಳಗಿನ ಜಾವ ದಾಖಲೆ ಮಳೆ ಸುರಿದಿದೆ.

ಮಳೆಗೆ ತಾಲ್ಲೂಕಿನ ಬಹುತೇಕ ಹಳ್ಳ–ಕೊಳ್ಳಗಳು ತುಂಬಿವೆ. ನಾರಿಹಳ್ಳ ಜಲಾಶಯ ಸಂಪೂರ್ಣ ಭರ್ತಿಯಾಗಿದೆ. ಸಂಡೂರಿನಲ್ಲಿ 15.18 ಸೆಂ.ಮೀ, ಚೋರನೂರು– 8.42 ಸೆಂ.ಮೀ, ಕುರೆಕುಪ್ಪ– 6.3 ಸೆಂ.ಮೀ, ಹಾಗೂ ವಿಠಲಾಪುರದಲ್ಲಿ 5.82 ಸೆಂ.ಮೀ ಮಳೆಯಾಗಿದೆ.

ಮಳೆಯಿಂದಾಗಿ ಚೋರನೂರು ಹೋಬಳಿಯ ಅಂಕಮ್ಮನಾಳ ಗ್ರಾಮದ ಓಬಯ್ಯನವರ ಮನೆ ಹಾನಿಯಾಗಿದೆ. ಇಲ್ಲಿನ ನಂದಿಹಳ್ಳಿ ವಾಷಿಂಗ್ ಪ್ಲಾಂಟ್‌ಗಳಲ್ಲಿ ನಿಲ್ಲಿಸಿದ್ದ ಲಾರಿಗಳಲ್ಲಿ ನೀರು ನುಗ್ಗಿ ಜಲಾವೃತಗೊಂಡು ಕೆಲ ಕಾಲ‌ ಚಾಲಕರು ಪರದಾಡಿದರು.