ಶುದ್ಧ ಕುಡಿಯುವ ನೀರಿನ ಘಟಕ ದುರಸ್ತಿಗೊಳಿಸಿ 

ಕಂಪ್ಲಿ: ಪಟ್ಟಣದ ಈಶಾನ್ಯ ಸಾರಿಗೆ ಸಂಸ್ಥೆ ಹೊಸ ಬಸ್ ನಿಲ್ದಾಣದಲ್ಲಿ ಪ್ರಯಾಣಿಕರ ಅನುಕೂಲಕ್ಕಾಗಿ 2019-20ನೇ ಸಾಲಿನ ಶಾಸಕರ ಅನುದಾನ ₹ 2.40ಲಕ್ಷ ವೆಚ್ಚದಲ್ಲಿ ನಿರ್ಮಿಸಿದ ಶುದ್ಧ ಕುಡಿಯುವ ನೀರಿನ ಘಟಕ ಕೆಲ ತಿಂಗಳುಗಳಿಂದ ದುರಸ್ತಿ ಇಲ್ಲದೇ ಹಾಳಾಗಿದೆ.

ಬಸ್ ನಿಲ್ದಾಣದಲ್ಲಿ ಹಣ ಕೊಟ್ಟು ನೀರಿನ ಬಾಟಲ್ ಖರೀದಿಸಬೇಕು. ಇಲ್ಲ ಬಳಕೆಗೆ ಸೀಮಿತವಾಗಿರುವ ನಲ್ಲಿ ನೀರನ್ನೇ ಕುಡಿಯಬೇಕು. ಸದ್ಯ ಶುದ್ಧ ನೀರಿನ ಘಟಕದ ಸ್ಥಳದಲ್ಲಿ ಕೆಲವರು ಕಸ ಕಡ್ಡಿ ತ್ಯಾಜ್ಯ ಹಾಕುತ್ತಿದ್ದು ಅಶುದ್ಧ ವಾತಾವರಣವಿದೆ. ಕೆಲ ಕಿಡಿಗೇಡಿಗಳು ಕೊಳಾಯಿ ಮುರಿದಿದ್ದಾರೆ. ಇನ್ನಾದರು ಎಚ್ಚೆತ್ತು ದುರಸ್ತಿಗೆ ಕ್ರಮ ಕೈಗೊಳ್ಳಿ.

–ಪ್ರಯಾಣಿಕರು, ಕಂಪ್ಲಿ