ಕತ್ತು ಸೀಳಿ ವಿಧವೆಯ‌ ಕೊಲೆ

ಬಳ್ಳಾರಿ: ನಗರದ ಗಾಂಧಿನಗರದ ನಿವಾಸಿ, ಅಮೃತ ಡಯಾಗ್ನೋಸ್ಟಿಕ್ ಕೇಂದ್ರದ ಉದ್ಯೋಗಿ ಪುಷ್ಪಾವತಿ (58) ಅವರನ್ನು ಅವರ ಮನೆಯಲ್ಲೇ ಚೂರಿಯಿಂದ ಕತ್ತು ಸೀಳಿ ಕೊಲೆ ಮಾಡಲಾಗಿದೆ.

ವಿಧವೆಯಾಗಿದ್ದ‌ ಅವರು ಒಂಟಿಯಾಗಿ ವಾಸಿಸುತ್ತಿದ್ದರು. ಅವರ‌ ಮಗಳು‌ ಹೈದರಾಬಾದ್ ನ ಖಾಸಗಿ‌ ಸಂಸ್ಥೆಯಲ್ಲಿ ಉದ್ಯೋಗಿಯಾಗಿದ್ದಾರೆ.

ಗುರುವಾರ ರಾತ್ರಿಯಿಂದ ಶುಕ್ರವಾರ ಬೆಳಿಗಿನ ಜಾವದ ‌ನಡುವೆ ಕೊಲೆಯಾಗಿದೆ ಎಂದು ಪೊಲೀಸರು ಶಂಕಿಸಿದ್ದಾರೆ.ಸ್ಥಳಕ್ಕೆ ಎಸ್ಪಿ ಲಕ್ಷ್ಮಣ ಬ.ನಿಂಬರಗಿ ಭೇಟಿ ನೀಡಿದ್ದರು.