ದೇವನಹಳ್ಳಿ | ಪ್ರಯಾಣಿಕನ ಹೊಟ್ಟೆಯಲ್ಲಿತ್ತು ₹9.20 ಕೋಟಿ ಮೌಲ್ಯದ ಕೊಕೇನ್!

ದೇವನಹಳ್ಳಿ: ದುಬೈನಿಂದ ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಬಂದಿಳಿದ ವೆನೆಜುವೆಲಾದ ಪ್ರಜೆ ಹೊಟ್ಟೆಯಲ್ಲಿ ಅಡಗಿಸಿಟ್ಟುಕೊಂಡಿದ್ದ 920 ಗ್ರಾಂ ಕೊಕೇನ್‌ ಮಾದಕ ವಸ್ತು ವಶಪಡಿಸಿಕೊಳ್ಳಲಾಗಿದೆ.

ಮಾರುಕಟ್ಟೆಯಲ್ಲಿ 920 ಗ್ರಾಂ ಕೊಕೇನ್‌ ಮೌಲ್ಯ ₹9.20 ಕೋಟಿಗಳಾಗುತ್ತದೆ ಎಂದು ಅಂದಾಜಿಸಲಾಗಿದೆ. 

ಕ್ಯಾಪ್ಸೂಲ್‌ಗಳಲ್ಲಿ (ಮಾತ್ರೆ) ಕೊಕೇನ್‌ ತುಂಬಿ, ನುಂಗಿದ್ದ ಪ್ರಯಾಣಿಕನ ಚಲನವಲನಗಳಿಂದ ಅನುಮಾನಗೊಂಡ ಡಿಆರ್‌ಐ ಅಧಿಕಾರಿಗಳು ಆತನನ್ನು ಸ್ಕ್ಯಾನಿಂಗ್ ಮಾಡಿಸಿದಾಗ ಹೊಟ್ಟೆಯಲ್ಲಿ ಕ್ಯಾಪ್ಸೂಲ್‌ಗಳು ಇರುವುದು ಕಂಡುಬಂತು. ಆತನನ್ನು ಬಂಧಿಸಿ, ಮಾದಕ ವಸ್ತುಗಳ ನಿಯಂತ್ರಣ ಕಾಯಿದೆ ಅಡಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.