ಹೊಸಕೋಟೆ:‌ ಕಾಣೆಯಾದ ಯುವತಿ ಶವವಾಗಿ ಪತ್ತೆ

ಹೊಸಕೋಟೆ:‌ ಕಾಣೆಯಾಗಿದ್ದ ಯುವತಿಯೊಬ್ಬರು ತಾಲ್ಲೂಕಿನ ಜಡಿಗೇನಹಳ್ಳಿ ಹೋಬಳಿಯ ತರಬಹಳ್ಳಿಯ ಕೆರೆಯಲ್ಲಿ‌ ಬುಧವಾರ ಶವವಾಗಿ ಪತ್ತೆಯಾಗಿದ್ದಾರೆ.

ಅದೇ ಗ್ರಾಮದ ರೋಜ(30) ಮೃತ‌ ಯುವತಿ.

ಮಾನಸಿಕ ಅಸ್ವಸ್ಥೆಯಾಗಿದ್ದ ರೋಜ ಮಂಗಳವಾರ ಕಾಣೆಯಾಗಿದ್ದರು. ಈ ಸಂಬಂಧ ರೋಜ ಅವರ ಪೋಷಕರು ಠಾಣೆಯಲ್ಲಿ ದೂರು ನೀಡಿದ್ದರು. ಆದರೆ ಬುಧವಾರ ಬೆಳಗಿನ ಜಾವ ತರಬಹಳ್ಳಿ ಕೆರೆಯಲ್ಲಿ ಶವ ಪತ್ತೆಯಾಗಿದೆ. ಈಕೆಯ ಸಾವಿನ ಬಗ್ಗೆ ಸ್ಥಳೀಯರು ಹಲವು ಅನುಮಾನ ವ್ಯಕ್ತಪಡಿಸಿದ್ದಾರೆ.

ಸ್ಥಳಕ್ಕೆ ಆಗಮಿಸಿದ ತಿರುಮಲಶೆಟ್ಟಿಹಳ್ಳಿ ಪೋಲೀಸರು ಪರಿಶೀಲನೆ ನಡೆಸಿದರು.

ತಿರುಮಲಶೆಟ್ಟಿಹಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.