ಸಂಭ್ರಮದ ಕಡಲೇಕಾಯಿ ಪರಿಷೆ

ದೇವನಹಳ್ಳಿ: ನೆಹರೂ ಪಾರಿವಾಳ ಗುಡ್ಡದಲ್ಲಿ ಕಡೇ ಕಾರ್ತಿಕ ಸೋಮವಾರ ಪ್ರಯುಕ್ತ ಪ್ರತಿ ವರ್ಷದಂತೆ ಆಂಜನೇಯಸ್ವಾಮಿ ದೇವಾಲಯದಲ್ಲಿ 68ನೇ ವರ್ಷದ ಕಡಲೇಕಾಯಿ ಪರಿಷೆ ಸಂಭ್ರಮದಿಂದ ನಡೆಯಿತು.

ಆಂಜನೇಯಸ್ವಾಮಿಗೆ ವಿಭೂತಿ ಅಲಂಕಾರ ಮಾಡಲಾಗಿತ್ತು. ಒಂದು ಕೆ.ಜಿ ಕಡಲೇಕಾಯಿಗೆ ₹120 ಇತ್ತು.  ಉರಿದ ಕಡಲೇ ಕಾಯಿಗೆ ಒಂದು ಸೇರಿಗೆ ₹25 ಮಾರಾಟ ನಡೆಯಿತು. ಉರಿದ ಕಡಲೇಕಾಯಿ ಕೆ.ಜಿಗೆ ₹150ರಂತೆ ಮಾರಾಟವಾಯಿತು. ವಿವಿಧ ಸಾಂಸ್ಕ್ರತಿಕ ಕಾರ್ಯಕ್ರಮ ನಡೆಯಿತು.

ಜೈಮಾರುತಿ ಭಕ್ತ ಮಂಡಳಿ ಸೇವಾ ಸಮಿತಿ ಅಧ್ಯಕ್ಷ ಮೋಟಪ್ಪ, ಉಪಾಧ್ಯಕ್ಷ ವಿ.ದೇವರಾಜ‌, ಪ್ರಧಾನ ಕಾರ್ಯದರ್ಶಿ, ಡಿ.ಎಂ ಮುನಿರಾಜಪ್ಪ, ಖಜಾಂಚಿ ಎನ್‌.ಮುನಿರಾಜು, ಸಂಚಾಲಕ ನಾರಾಯಣಸ್ವಾಮಿ, ಜಿ. ಗಣೇಶ‌, ಎಚ್‌.ನಾರಾಯಣಸ್ವಾಮಿ, ಅರ್ಚಕ ಗೋಪಾಲಕೃಷ್ಣ ಭಟ್ಟರ್‌ ಇದ್ದರು.