ಬಳ್ಳೂರಿನಲ್ಲಿ ತಮಿಳುನಾಡು ರೌಡಿಶೀಟರ್ ಹತ್ಯೆ

ಆನೇಕಲ್ : ಕರ್ನಾಟಕ ತಮಿಳುನಾಡು ಗಡಿಯ ತಾಲ್ಲೂಕಿನ ಬಳ್ಳೂರು ಸಮೀಪದಲ್ಲಿ ತಮಿಳುನಾಡಿನ ರೌಡಿಶೀಟರ್‌ವೊಬ್ಬನನ್ನು ಹತ್ಯೆ ಮಾಡಲಾಗಿದೆ.

ತಮಿಳುನಾಡಿನ ಮಧುರೈ ಮೂಲದ ಅಳಗರಾಜ್‌(31) ಕೊಲೆಯಾದವರು.

ಅಳಗರಾಜ್‌ ರೌಡಿಸಂ ಬಿಟ್ಟು ತುಪ್ಪದ ವ್ಯಾಪಾರ ಮಾಡುತ್ತಿದ್ದರು ಎನ್ನಲಾಗಿದೆ. ಬುಧವಾರ ರಾತ್ರಿ ಕೆಲಸ ಮುಗಿಸಿ ಬಳ್ಳೂರು ಸಮೀಪದ ಬಾರ್‌ವೊಂದರಲ್ಲಿ ಮದ್ಯ ಖರೀದಿಸಲು ಬಂದಿದ್ದಾಗ ಹಂತಕರು ಹತ್ಯೆ ಮಾಡಿದ್ದಾರೆ. ಅಳಗರಾಜ್‌ ವಿರುದ್ಧ ತಮಿಳುನಾಡಿನ ತಿರುಪಾಚಿ ಪೊಲೀಸ್‌ ಠಾಣೆಯಲ್ಲಿ ವಿವಿಧ ಪ್ರಕರಣಗಳಿವೆ ಎನ್ನಲಾಗಿದೆ.

ಸ್ಥಳಕ್ಕೆ ಅತ್ತಿಬೆಲೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ಶ್ವಾನದಳ, ಬೆರಳಚ್ಚ ತಜ್ಞರು ಸ್ಥಳಕ್ಕೆ ಭೇಟಿ ನೀಡಿ ಮಾಹಿತಿ ಪಡೆದರು.