ವಿಜಯಪುರ(ದೇವಹನಹಳ್ಳಿ): ನೀರಿನ ಕೊರತೆಯಿಂದ ಸೊಪ್ಪು ಬೆಳೆಯುವುದು ಇಳಿಮುಖ ಆಗಿದ್ದು, ಮಾರುಕಟ್ಟೆಗೆ ಪೂರೈಕೆ ಕಡಿಮೆಯಾಗಿ ಸೊಪ್ಪಿನ ಬೆಲೆ ಏರಿಕೆಯಾಗಿದೆ.
₹10 ಇದ್ದ ಒಂದು ಕಟ್ಟು ದಂಟಿನ ಸೊಪ್ಪು ₹20, ಮೆಂತ್ಯೆ ₹10ರಿಂದ 40ಕ್ಕೆ, ಪಾಲಕ್ ₹10ರಿಂದ ₹30, ಸಬ್ಬಕ್ಕಿ ₹15 ರಿಂದ ₹40ಕ್ಕೆ ಏರಿಕೆಯಾಗಿದೆ.
ತೋಟಗಳಲ್ಲಿ ಸೊಪ್ಪುಗಳು ಸಿಗುತ್ತಿಲ್ಲ. ನೀರಾವರಿ ಸೌಲಭ್ಯ ಇರುವ ರೈತರು ಮಾತ್ರ ಸೊಪ್ಪು ಬೆಳೆಯುತ್ತಿದ್ದಾರೆ. ತೋಟಗಳಲ್ಲೆ ಬೆಲೆ ಜಾಸ್ತಿಯಾಗಿದೆ. ಸೊಪ್ಪು ಕಿತ್ತುಕೊಂಡು ಬಂದು, ತೊಳೆದು, ಕಟ್ಟು ಕಟ್ಟಿ, ಮಾರುವುದಕ್ಕೆ ಕೂಲಿ ಸೇರಿಸಿ, ಒಂದು ಕಟ್ಟಿಗೆ ₹5 ರೂಪಾಯಿ ಇಟ್ಟುಕೊಂಡು ಮಾರಾಟ ಮಾಡುತ್ತಿದ್ದೇವೆ ಎನ್ನುತ್ತಾರೆ ವ್ಯಾಪಾರಿಗಳು.
ತೋಟದಲ್ಲೆ ₹25 ಖರ್ಚು ಬರುತ್ತಿದೆ. ಹಳ್ಳಿಗಳಿಗೆ ತೆಗೆದುಕೊಂಡು ಹೋಗಿ ಮಾರಾಟ ಮಾಡಿದರೆ, ಪೆಟ್ರೋಲ್ ಖರ್ಚು ಸೇರಿ ₹7 ರೂಪಾಯಿ ಲಾಭ ಇಟ್ಟುಕೊಳ್ಳುತ್ತೇವೆ ಎಂದು ವ್ಯಾಪಾರಿ ಮುನಿಯಮ್ಮ ಹೇಳಿದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.