ನಟ ದರ್ಶನ್‌ ವರ್ತನೆ ಒರಟು: ವಿನಯ ಕುಲಕರ್ಣಿ

ಬೆಳಗಾವಿ: ‘ನಟ ದರ್ಶನ್‌ ವರ್ತನೆ ಒರಟಾಗಿದೆ. ಆದರೆ, ನಮ್ಮೊಂದಿಗೆ ಆ ರೀತಿ ವರ್ತಿಸುತ್ತಿರಲಿಲ್ಲ. ರೇಣುಕಸ್ವಾಮಿ ಕೊಲೆ ಯಾರು ಮಾಡಿದ್ದಾರೆ ಎಂಬುದನ್ನು ನ್ಯಾಯಾಲಯ ತೀರ್ಮಾನಿಸಲಿದೆ. ನಾನು ಏನನ್ನೂ ಹೇಳುವುದಿಲ್ಲ’ ಎಂದು ಧಾರವಾಡ ಶಾಸಕ ವಿನಯ ಕುಲಕರ್ಣಿ ಹೇಳಿದರು.

‘ಪ್ರಕರಣದಿಂದ ದರ್ಶನ್ ಅವರನ್ನು ಕಾಪಾಡಲು ಯಾರೂ ಒತ್ತಡ ಹೇರಿಲ್ಲ. ಈ ಪ್ರಕರಣದ ಬಗ್ಗೆ ಇಡೀ ರಾಜ್ಯಕ್ಕೆ ಗೊತ್ತಿದೆ. ಮಾಧ್ಯಮಗಳಲ್ಲೂ ಸಾಕಷ್ಟು ವರದಿ ಪ್ರಸಾರವಾಗುತ್ತಿದೆ. ಒತ್ತಡ ಹೇರುವ ಪ್ರಶ್ನೆ ಬರುವುದಿಲ್ಲ’ ಎಂದು ಅವರು ಮಂಗಳವಾರ ಸುದ್ದಿಗಾರರಿಗೆ ತಿಳಿಸಿದರು