ಬೆಳಗಾವಿ ಡಿಸಿ ಕಚೇರಿ ನೌಕರ ನಿಧನ; ಸಹೋದರನಿಗೆ 24ಗಂಟೆಯಲ್ಲೇ ಅನುಕಂಪ ಆಧಾರದ ನೌಕರಿ

ಬೆಳಗಾವಿ: ಇಲ್ಲಿನ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ‌ಸೇವೆಯಲ್ಲಿದ್ದ ಪ್ರಥಮ ದರ್ಜೆ ಸಹಾಯಕರೊಬ್ಬರು ನಿಧನ ಹೊಂದಿದ್ದರಿಂದ, ಅವರ ಅವಲಂಬಿತ ಕಿರಿಯ ಸಹೋದರನಿಗೆ ಜಿಲ್ಲಾಧಿಕಾರಿ ನಿತೇಶ್ ಪಾಟೀಲ 24 ಗಂಟೆಗಳಲ್ಲೇ ಅನುಕಂಪ ಆಧಾರದಲ್ಲಿ ನೌಕರಿ ನೀಡಿದ್ದಾರೆ.

ಸಚಿನ್ ಬಾದುಲೆ ಆ.22ರಂದು ಅನಾರೋಗ್ಯದಿಂದ ನಿಧನರಾಗಿದ್ದರು. ಕುಟುಂಬ ನಿರ್ವಹಣೆಗಾಗಿ ತಮಗೆ ಅನುಕಂಪ ಆಧಾರದಲ್ಲಿ ನೌಕರಿ ನೀಡಬೇಕೆಂದು ಅವರ ಸಹೋದರ ಬಸವರಾಜ‌‌‌ ಬಾದುಲೆ ಆ.23ರಂದು ಅರ್ಜಿ ಸಲ್ಲಿಸಿದ್ದರು. ಇದನ್ನು ಪರಿಶೀಲಿಸಿದ ಡಿ.ಸಿ, ಬಸವರಾಜ ಅವರನ್ನು ಒಂದೇ ದಿನದಲ್ಲಿ ಗ್ರೂಪ್‌ ‘ಸಿ’ ಹುದ್ದೆಗೆ ನೇರ ನೇಮಕಾತಿ ಮಾಡಿದ್ದಾರೆ.

ಬಿ.ಎ. ಪದವೀಧರರಾಗಿರುವ ಬಸವರಾಜ ಅವರನ್ನು ಚಿಕ್ಕೋಡಿ ತಹಶೀಲ್ದಾರ್‌ ಕಚೇರಿಯಲ್ಲಿ ಪ್ರಥಮ ದರ್ಜೆ ಸಹಾಯಕ ಹುದ್ದೆಗೆ ನಿಯುಕ್ತಿಗೊಳಿಸಲಾಗಿದೆ.