ಬೆಳಗಾವಿ | ಸೈಕಲ್‌ ಮೇಲೆ ತೆರಳಿ, ಸಮಸ್ಯೆ ಆಲಿಸಿದ ಶಾಸಕ

ಬೆಳಗಾವಿ: ಇಲ್ಲಿನ ದಕ್ಷಿಣ ಕ್ಷೇತ್ರದ ಶಾಸಕ ಅಭಯ ಪಾಟೀಲ, ಮಹಾನಗರ ಪಾಲಿಕೆ ವ್ಯಾಪ್ತಿಯ ವಿವಿಧ ವಾರ್ಡ್‌ಗಳಿಗೆ ಭಾನುವಾರ ಸೈಕಲ್ ಮೇಲೆ ತೆರಳಿ ಜನರ ಕುಂದುಕೊರತೆ ಆಲಿಸಿದರು.

ರಾಣಿ ಚನ್ನಮ್ಮನ ನಗರ, ರಾಘವೇಂದ್ರ ಕಾಲೊನಿ, ಟಿಳಕವಾಡಿಯ ಗುರುವಾರ ಪೇಟೆ, ಚಿದಂಬರ ನಗರ, ಶಾಸ್ತ್ರಿ ನಗರಕ್ಕೆ ತೆರಳಿದ ಅವರು, ವಿವಿಧ ಅಭಿವೃದ್ಧಿ ಕಾಮಗಾರಿಗಳನ್ನು ಪರಿಶೀಲಿಸಿದರು.

‘ಸ್ಮಾರ್ಟ್‌ಸಿಟಿ ಯೋಜನೆ ಹಾಗೂ ಮಹಾನಗರ ಪಾಲಿಕೆ ವತಿಯಿಂದ ನಡೆಯುತ್ತಿರುವ ಕಾಮಗಾರಿಗಳನ್ನು ತ್ವರಿತವಾಗಿ ಪೂರ್ಣಗೊಳಿಸಿ, ಜನರಿಗೆ ಅನುಕೂಲ ಕಲ್ಪಿಸಬೇಕು’ ಎಂದು ಸೂಚಿಸಿದರು.

ಉಪಮೇಯರ್‌ ಆನಂದ ಚವ್ಹಾಣ, ಪಾಲಿಕೆಯ ಸದಸ್ಯರು ಹಾಜರಿದ್ದರು.