ಚಿಕ್ಕೋಡಿ | ಅಣ್ಣಾಸಾಹೇಬ ಜೊಲ್ಲೆ ಜೊಲ್ಲೆ ಪರ ಅತ್ತೆ– ಸೊಸೆ ಪ್ರಚಾರ

ಚಿಕ್ಕೋಡಿ: ಚಿಕ್ಕೋಡಿ ಲೋಕಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಅಣ್ಣಾಸಾಹೇಬ ಜೊಲ್ಲೆ ಪರವಾಗಿ ಶಾಸಕಿ ಶಶಿಕಲಾ ಜೊಲ್ಲೆ ಹಾಗೂ ಅವರ ಸೊಸೆ ಯಶಸ್ವಿನಿ ಜೊಲ್ಲೆ ತಾಲ್ಲೂಕಿನ ಕುಪ್ಪನವಾಡಿ ಸೇರಿದಂತೆ ವಿವಿಧ ಗ್ರಾಮಗಳಲ್ಲಿ ಮನೆ ಮನೆಗೆ ತೆರಳಿ ಮತ ಯಾಚನೆ ಮಾಡಿದರು.

ಮತ ಯಾಚನೆ ಮಾಡಲು ಆಗಮಿಸಿದ ಅತ್ತೆ–ಸೊಸೆಯನ್ನು ಮಹಿಳೆಯರು ಶಾಲು ಹೊದಿಸಿ, ಹೂ ಮಾಲೆ ಹಾಕಿ, ಅರಿಸಿನ– ಕುಂಕುಮ ನೀಡಿ ಸನ್ಮಾನಿಸಿ ಸ್ವಾಗತಿಸಿದರು.