ಬೆಳಗಾವಿ | ವಿದ್ಯುತ್‌ ಸ್ಪರ್ಶ: ಇಬ್ಬರು ಮಹಿಳೆಯರ ಸಾವು

ಬೆಳಗಾವಿ: ತಾಲ್ಲೂಕಿನ ಸುಳೇಬಾವಿ ಗ್ರಾಮದ ಮಹರ್ಷಿ ವಾಲ್ಮೀಕಿ ದೇವಸ್ಥಾನದಲ್ಲಿ ಸೋಮವಾರ ಸಂಜೆ ವಿದ್ಯುತ್‌ ಸ್ಪರ್ಶದಿಂದ ಗ್ರಾಮಸ್ಥರಾದ ಸವಿತಾ ಪಕ್ಕೀರಪ್ಪ ಒಂಟಿ (34) ಹಾಗೂ ಕಲಾವತಿ ಮಾರುತಿ ಬೀದರವಾಡಿ (41) ಮೃತಪಟ್ಟಿದ್ದಾರೆ.

‘ಸೋಮವಾರ ಮಹಿಳಾ ಮಂಡಳದ ಸಭೆ ನಿಗದಿಯಾಗಿತ್ತು. ಎಲ್ಲರೂ ದೇವಸ್ಥಾನದಲ್ಲಿ ಸೇರಿದ್ದರು. ಸಭೆ ಬಳಿಕ ದೇವಸ್ಥಾನ ಆವರಣವನ್ನು ನೀರಿನಿಂದ ಶುಚಿಗೊಳಿಸಿದರು. ಆದರೆ, ನೀರಿನಲ್ಲಿ ವಿದ್ಯುತ್ ತಂತಿ ತುಂಡಾಗಿ ಬಿದ್ದಿತ್ತು. ಸ್ವಚ್ಛತಾ ಕೆಲಸ ಮುಗಿಸಿ, ಕಬ್ಬಿಣದ ಗೇಟ್‌ ಹಾಕಿ ಹೊರ ಹೋಗುವಾಗ ವಿದ್ಯುತ್‌ ಗೇಟ್‌ಗೆ ಪ್ರವಹಿಸಿತು. ಇಬ್ಬರೂ ಮೃತಪಟ್ಟರು’ ಎಂದು ಮಾರಿಹಾಳ ಠಾಣೆ ಪೊಲೀಸರು ತಿಳಿಸಿದ್ದಾರೆ.