ಕಾಗವಾಡ | ಕಬ್ಬಿನ ಗದ್ದೆಗೆ ಬೆಂಕಿ: ₹ 1.96 ಕೋಟಿ ನಷ್ಟ

ಕಾಗವಾಡ: ಕಾಗವಾಡದಲ್ಲಿ ಸೋಮವಾರ ವಿದ್ಯುತ್ ಶಾರ್ಟ್ ಸರ್ಕಿಟ್‌ನಿಂದ ಕಬ್ಬಿನ ಬೆಳೆಗೆ ಬೆಂಕಿ ತಗಲಿ 47 ರೈತರ ₹ 1.96 ಕೋಟಿ ಮೌಲ್ಯದ ಕಬ್ಬಿನ ಬೆಳೆಗೆ ಹಾನಿಯಾಗಿದೆ ಎಂದು ಕಂದಾಯ ಇಲಾಖೆ ಪ್ರಾಥಮಿಕ ಸರ್ವೆ ಮಾಡಿ ವರದಿ ಸಲ್ಲಿಸಿದೆ.

107 ಏಕರೆ ಕ್ಷೇತ್ರದಲ್ಲಿ ಕಬ್ಬಿನ ಬೆಳೆ ಬೆಂಕಿಯಿಂದ ಸುಟ್ಟು ನಾಶವಾಗಿದೆ. ರೈತರಿಗೆ ಇನ್ನಷ್ಟು ಆರ್ಥಿಕ ಹಾನಿ ಆಗದಂತೆ ತಡೆಯಲು ಕೂಡಲೇ ಎಲ್ಲ ಸಕ್ಕರೆ ಕಾರ್ಖಾನೆಗಳಿಗೆ ಮಾಹಿತಿ ನೀಡಿ ಬೇಗನೆ ಕಬ್ಬು ಕಟಾವು ಆರಂಭಿಸಲಾಗಿದೆ. ಒಂದೆರಡು ದಿನಗಳಲ್ಲಿ ಎಲ್ಲ ಕಬ್ಬು ಸಕ್ಕರೆ ಕಾರ್ಖಾನೆಗಳಿಗೆ ಸಾಗಿಸಲಾಗುವುದು ಎಂದು ತಹಶಿಲ್ದಾರ್ ರಾಜೇಶ ಬುರ್ಲಿ ಮಾಹಿತಿ ನೀಡಿದರು.