ಕಾಹೇರ್‌: ಆಸ್ಟೇಲಿಯಾ ವಿದ್ಯಾರ್ಥಿಗಳ ಭೇಟಿ

ಬೆಳಗಾವಿ: ಆಸ್ಟ್ರೇಲಿಯಾದ ಸದರ್ನ್‌ ಕ್ರಾಸ್‌ ವಿಶ್ವವಿದ್ಯಾಲಯದ 10 ನರ್ಸಿಂಗ್‌ ವಿದ್ಯಾರ್ಥಿಗಳು ಮತ್ತು ಇಬ್ಬರು ಅಧ್ಯಾಪಕರು ಮಾರ್ಚ್‌ 11ರಿಂದ 30ರವರೆಗೆ ‘ವಿದ್ಯಾರ್ಥಿ ವಿನಿಮಯ ಕಾರ್ಯಕ್ರಮ’ದಡಿ ನಡೆಯಲಿರುವ ‘ಎಲೆಕ್ಟಿವ್‌ ಪ್ಲೇಸ್‌ಮೆಂಟ್‌’ನಲ್ಲಿ ಭಾಗವಹಿಸಲು ಬೆಳಗಾವಿಯ ಕಾಹೇರ್‌ನ ಇನ್‌ಸ್ಟಿಟ್ಯೂಟ್‌ ಆಫ್‌ ನರ್ಸಿಂಗ್‌ ಸೈನ್ಸ್‌ಗೆ ಭೇಟಿ ನೀಡಿದರು.

ಇವೆರಡೂ ಶೈಕ್ಷಣಿಕ ಸಂಸ್ಥೆಗಳು ಶೈಕ್ಷಣಿಕ ಒಡಂಬಡಿಕೆ ಮಾಡಿಕೊಂಡಿವೆ. ಇದರ ಭಾಗವಾಗಿ, ಆಸ್ಟ್ರೇಲಿಯಾದ ವಿದ್ಯಾರ್ಥಿಗಳು ಹಾಗೂ ಅಧ್ಯಾಪಕರು ಬೆಳಗಾವಿಗೆ ಭೇಟಿ ನೀಡಿದ್ದಾರೆ. ಅವರೊಂದಿಗೆ ಕೆಎಲ್‌ಇ ಸಂಸ್ಥೆಯ ಕಾರ್ಯಾಧ್ಯಕ್ಷ ಪ್ರಭಾಕರ ಕೋರೆ ಸಂವಾದ ನಡೆಸಿದರು.

ಕಾಹೇರ್‌ ಉಪಕುಲಪತಿ ಡಾ.ನಿತಿನ್ ಗಂಗನೆ, ಕುಲಸಚಿವ ಎಂ.ಎಸ್‌.ಗಣಾಚಾರಿ, ಡಾ.ವೀರೇಶಕುಮಾರ ನಂದಗಾಂವ ಇತರರು ಪಾಲ್ಗೊಂಡಿದ್ದರು