ಅಂಕಲಗಿ: ರೈಲು ಹಳಿಯಲ್ಲಿ ನಡೆದಾಡುತ್ತಿರುವ ಜನರು!

ಅಂಕಲಗಿ (ಗೋಕಾಕ ತಾ.): ಬಳ್ಳಾರಿ ನಾಲಾ ಪ್ರವಾಹದಿಂದ ಗೋಕಾಕ ತಾಲ್ಲೂಕಿನ ಸುಕ್ಷೇತ್ರ ಅಂಕಲಗಿ ಅಡವಿಸಿದ್ಧೇಶ್ವರ ಮಠದ ಸುತ್ತ ನೀರು ಆವರಿಸಿದ್ದು ನಡುಗಡ್ಡೆಯಂತಾಗಿದೆ.

ಅಂಕಲಗಿ, ಅಕ್ಕತಂಗೇರಹಾಳ ಭಾಗದ ಬಹುತೇಕ ಹಳ್ಳಿಗಳ ಬೆಳೆಗಳು ಮುಳುಗಿವೆ. ಜಲಾವೃತವಾದ ಮನೆಗಳ ರೈತರು ದನ–ಕರುಗಳೊಂದಿಗೆ ಸ್ಥಳಾಂತರಗೊಂಡಿದ್ದಾರೆ. ಅಂಕಲಗಿ ಮುಖ್ಯ ರಸ್ತೆಗಳ ಸೇತುವೆಗಳು ಮುಳುಗಡೆಯಾಗಿದ್ದು ಸಂಚಾರ ಸ್ಥಗಿತಗೊಂಡಿದೆ. ಬೆಳಗಾವಿ, ಗೋಕಾಕಕ್ಕೆ ಹೋಗುವ ಅಂಕಲಗಿ, ಗುಜನಾಳ ಗ್ರಾಮಗಳ ಪ್ರಯಾಣಿಕರು ರೈಲು ಹಳಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದುದು ಕಂಡುಬಂತು. ಬಸ್‌ಗಳು ಲಗಮೇಶ್ವರ–ಅಕ್ಕತಂಗೇರಹಾಳ ಮೂಲಕ ಸಂಚರಿಸುತ್ತಿವೆ.