ಐಐಎಂಬಿ: ಮಹಿಳೆಯರ ಕಲಿಕಾ ಆಸಕ್ತಿ ಹೆಚ್ಚಳ

ಬೆಂಗಳೂರು: ನಗರದ ಐಐಎಂ–ಬಿಯಲ್ಲಿರುವ ಎರಡು ವರ್ಷಗಳ ಎಂಬಿಎ ಕೋರ್ಸ್‌ಗೆ ಮಹಿಳಾ ಅಭ್ಯರ್ಥಿಗಳು ದೊಡ್ಡ ಪ್ರಮಾಣದಲ್ಲಿ ಆಕರ್ಷಿತರಾಗಿದ್ದಾರೆ.

ಕಳೆದ ಶೈಕ್ಷಣಿಕ ವರ್ಷಕ್ಕೆ ಹೋಲಿಸಿದರೆ, ಈ ಬಾರಿ (2019–21ನೇ ಶೈಕ್ಷಣಿಕ ವರ್ಷ) ಅವರ ಸಂಖ್ಯೆಯಲ್ಲಿ ಶೇ 10ರಷ್ಟು ಹೆಚ್ಚಳ ಕಂಡುಬಂದಿದೆ. ಕಳೆದ ಬಾರಿ ಶೇ 27ರಷ್ಟಿದ್ದರೆ, ಈ ಬಾರಿ ಶೇ 37ರಷ್ಟು ಮಹಿಳೆಯರಿದ್ದಾರೆ.

‘441 ಅಭ್ಯರ್ಥಿಗಳ ಪೈಕಿ 165 ಮಂದಿ ಮಹಿಳೆಯರು. ಇವರಲ್ಲಿ ಶೇ 18ರಷ್ಟು ಮಂದಿ 2 ವರ್ಷ ಕೆಲಸದ ಅನುಭವ ಇರುವ ಹೊಸಬರು ಮತ್ತು ಶೇ 18ರಷ್ಟು ಮಂದಿ ಎಂಜಿನಿಯರಿಂಗ್‌ ಕ್ಷೇತ್ರಕ್ಕೆ ಹೊರತಾದವರು. ಹೀಗಾಗಿ ಒಂದು ಆಸಕ್ತಿದಾಯಕ ವಿದ್ಯಾರ್ಥಿ ಸಮುದಾಯವನ್ನು ಇಲ್ಲಿ ನೋಡಬಹುದಾಗಿದೆ’ ಎಂದು ನೇಮಕಾತಿ ಮತ್ತು ಹಣಕಾಸು ನೆರವು ವಿಭಾಗದ ಮುಖ್ಯಸ್ಥ ಜಿ.ಶಬರಿನಾಥ್‌ ಹೇಳಿದ್ದಾರೆ.