ದೇವನಹಳ್ಳಿ: 10 ವಿಮಾನ ಸಂಚಾರ ವ್ಯತ್ಯಯ

ದೇವನಹಳ್ಳಿ: ಇಲ್ಲಿನ ಕೆಂಪೇಗೌಡ ಅಂತರ ರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಸೋಮವಾರ ಬೆಳಗ್ಗೆ ದಟ್ಟವಾದ ಮಂಜು ಕವಿದ ಕಾರಣ ಹತ್ತು ವಿಮಾನಗಳ ಹಾರಾಟದಲ್ಲಿ ಅರ್ಧ ತಾಸು ವ್ಯತ್ಯಯವಾಗಿದೆ.

ಚಳಿಗಾಲದ ಆರಂಭದಲ್ಲಿ ರನ್‌ವೇ ಕಾಣದಂತೆ ಮಂಜು ಆವರಿಸುವುದು ಸಾಮಾನ್ಯ. ಯಾವುದೇ ಅವಘಡ  ಸಂಭವಿಸದಂತೆ ತಡೆಯಲು ಮುನ್ನೆಚ್ಚರಿಕೆ ಕ್ರಮವಾಗಿ ಕೆಲಹೊತ್ತು ಲ್ಯಾಂಡಿಂಗ್‌ ಮತ್ತು ಟೇಕ್‌ ಆಫ್ ಕಾರ್ಯಾಚರಣೆ ನಿಲ್ಲಿಸಲಾಗಿತ್ತು ಎಂದು ವಿಮಾನ ನಿಲ್ದಾಣದ ಮೂಲಗಳು ತಿಳಿಸಿವೆ.

ವಿಮಾನಗಳು ತಡವಾಗಿ ಸಂಚರಿಸಿದ ಕಾರಣ ಸೋಮವಾರ ಬೆಳಗ್ಗೆ ವಿಮಾನ ನಿಲ್ದಾಣಕ್ಕೆ ಬಂದ ಪ್ರಯಾಣಿಕರು ತೊಂದರೆ ಅನುಭವಿಸಿದರು. ಮಂಜು ಆವರಿಸಿದ್ದರಿಂದ ರನ್‌ ವೇ ಸ್ಪಷ್ಟವಾಗಿ ಕಾಣದ ಕಾರಣ ಕೆಲವು ವಿಮಾನಗಳು ಇಳಿಯುವುದು ವಿಳಂಬವಾಯಿತು.