ಬೆಂಗಳೂರು– ಅಬುಧಾಬಿ ನೇರ ವಿಮಾನ ಸಂಚಾರ ಶುರು

ಬೆಂಗಳೂರು: ಬೆಂಗಳೂರು– ಅಬುಧಾಬಿ ಮಧ್ಯೆ ನೇರವಾಗಿ ಹಾರಾಟ ನಡೆಸುವ ಮೊದಲ ಅಂತರರಾಷ್ಟ್ರೀಯ ವಿಮಾನ ಸೇವೆಯನ್ನು ಏರ್ ಇಂಡಿಯಾ ಎಕ್ಸ್‌ಪ್ರೆಸ್‌ ಮಂಗಳವಾರದಿಂದ ಆರಂಭಿಸಿದೆ.

ವಿಮಾನಯಾನ ಸಂಸ್ಥೆಯ ಅತಿ ದೊಡ್ಡ ನೆಲೆ ಬೆಂಗಳೂರು ಆಗಿದ್ದು, ವಾರಕ್ಕೆ 200ಕ್ಕೂ ಹೆಚ್ಚು ವಿಮಾನಗಳು 27 ನಗರಗಳನ್ನು ಸಂಪರ್ಕಿಸುತ್ತವೆ. ಬೆಂಗಳೂರು–ಅಬುಧಾಬಿ ಮತ್ತು ಅಬುಧಾಬಿ– ಬೆಂಗಳೂರಿಗೆ ಮಂಗಳವಾರ, ಗುರುವಾರ, ಶನಿವಾರ, ಭಾನುವಾರ ವಿಮಾನಗಳು ಸಂಚರಿಸಲಿವೆ ಎಂದು ಕಂಪನಿಯ ಪ್ರಕಟಣೆ ತಿಳಿಸಿದೆ.