BMTC: ನೈಸ್ ರಸ್ತೆ ಪ್ರಯಾಣಿಕರಿಗೆ ಬಿಎಂಟಿಸಿಯಿಂದ ಸಿಹಿ ಸುದ್ದಿ
ಬೆಂಗಳೂರು: ನೈಸ್ ರಸ್ತೆಯಲ್ಲಿ ಪ್ರಯಾಣಿಸುವವರಿಗೆ ಹೆಚ್ಚುವರಿ ಟ್ರಿಪ್‌ಗಳನ್ನು ಹಾಕಲಾಗಿದೆ ಎಂದು ಬಿಎಂಟಿಸಿ ತಿಳಿಸಿದೆ.
ಸುಮ್ಮನಹಳ್ಳಿಯಿಂದ ಎಲೆಕ್ಟ್ರಾನಿಕ್ ಸಿಟಿ ವಿಪ್ರೊ ಗೇಟ್‌ವರೆಗಿನ ‘NICE-5A‘ ಹಾಗೂ ನೆಲಮಂಗಲದಿಂದ ಎಲೆಕ್ಟ್ರಾನಿಕ್ ಸಿಟಿ ವಿಪ್ರೋ ಗೇಟ್‌ವರೆಗಿನ ‘NICE-8‘ ರೂಟ್‌ಗಳಲ್ಲಿ ಹೆಚ್ಚುವರಿ 2 ಟ್ರಿಪ್‌ಗಳನ್ನು ಹಾಕಲಾಗಿದೆ ಎಂದು ವಿಎಂಟಿಸಿ ಮೈಕ್ರೋಬ್ಲಾಗಿಂಗ್‌ ತಾಣ ‘ಎಕ್ಸ್’ನಲ್ಲಿ ಬರೆದುಕೊಂಡಿದೆ.
ಈ ಹೊಸ ಟ್ರಿಪ್‌ನಲ್ಲಿ ನಾನ್‌–ಎಸಿ ಬಸ್‌ಗಳು ಕಾರ್ಯಾಚರಿಸಲಿವೆ.
ಬೆಳಿಗ್ಗೆ 7.30ಕ್ಕೆ ಸುಮ್ಮನಹಳ್ಳಿಯಿಂದ ‘NICE-5A‘ ಬಸ್ ಹೊರಡಲಿದ್ದು, ಪಾಪರೆಡ್ಡಿ ಪಾಳ್ಯ, ಕೆಂಗೇರಿ ಕೆಎಚ್‌ಬಿ ಕ್ವಾಟರ್ಸ್‌, ಮೈಸೂರು ರಸ್ತೆ ನೈಸ್ ಟೋಲ್, ಕನಕಪುರ ರಸ್ತೆ ನೈಸ್ ಟೋಲ್ ಹಾಗೂ ಎಲೆಕ್ಟ್ರಾನಿಕ್ ಸಿಟಿ ನೈಸ್‌ಟೋಲ್‌ ಮೂಲಕ ಸಂಚರಿಸಲಿದೆ.
ನೆಲಮಂಗಲದಿಂದ ಎಲೆಕ್ಟ್ರಾನಿಕ್ ಸಿಟಿ ವಿಪ್ರೋಗೇಟ್‌ಗೆ ಬೆಳಿಗ್ಗೆ 8.30ಕ್ಕೆ ‘NICE-8’ ಬಸ್ ಹೊರಡಲಿದೆ. ಮದನಾಯಕನಹಳ್ಳಿ, ಮಾದವಾರ, ಮಾಗಡಿ ರಸ್ತೆ ನೈಸ್ ಟೋಲ್ , ಮೈಸೂರು ರಸ್ತೆ ನೈಸ್ ಟೋಲ್, ಕನಕಪುರ ರಸ್ತೆ ನೈಸ್ ಟೋಲ್ ಹಾಗೂ ಎಲೆಕ್ಟ್ರಾನಿಕ್ ಸಿಟಿ ನೈಸ್ ಟೋಲ್ ಮೂಲಕ ಈ ಬಸ್ ಸಂಚರಿಸಲಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.