ವಿಶೇಷ ಠೇವಣಿ ಯೋಜನೆ ‘ರೆಪ್ಕೋ ತಂಗ ಮಗಳ್’ ಜಾರಿ

ಬೆಂಗಳೂರು: ವಿಶೇಷ ಠೇವಣಿ ಯೋಜನೆ ‘ರೆಪ್ಕೋ ತಂಗ ಮಗಳ್’ ಯೋಜನೆಯನ್ನು ರೆಪ್ಕೋ ಬ್ಯಾಂಕ್‌ ಜಾರಿಗೆ ತಂದಿದೆ.

ಚೆನ್ನೈನಲ್ಲಿ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಕೇಂದ್ರ ಗೃಹ ವ್ಯವಹಾರಗಳ ಸಚಿವ ಅಜಯ್ ಕುಮಾರ್ ಮಿಶ್ರಾ ಅವರು ಈ ಯೋಜನೆಗೆ ಚಾಲನೆ ನೀಡಿದರು.

18 ವರ್ಷದ ಒಳಗಿನ ಹೆಣ್ಣುಮಕ್ಕಳ ವಿದ್ಯಾಭ್ಯಾಸ, ಆರೋಗ್ಯಕ್ಕೆ ಈ ಯೋಜನೆ ಅನುಕೂಲವಾಗಲಿದೆ ಎಂದು ಪ್ರಕಟಣೆ ತಿಳಿಸಿದೆ.

ಈ ಯೋಜನೆಯ ಅವಧಿ ಕನಿಷ್ಠ 3 ವರ್ಷಗಳಿಂದ ಗರಿಷ್ಠ 5 ವರ್ಷಗಳ ಮಿತಿ ಇರಲಿದೆ. ಯೋಜನೆಯ ಮುಕ್ತಾಯದ ನಂತರವೇ ಬಡ್ಡಿಯ ಲಾಭ ದೊರೆಯಲಿದೆ. ಈ ಯೋಜನೆ ಅಡಿ ಪೋಷಕರು ತಮ್ಮ ಹೆಣ್ಣುಮಕ್ಕಳ ಮೇಲೆ ಗರಿಷ್ಠ ₹ 1 ಕೋಟಿ ತೊಡಗಿಸಬಹುದು. ಆಗಸ್ಟ್‌ 17ರಿಂದಲೇ ಯೋಜನೆ ಜಾರಿಗೆ ಬಂದಿದೆ.

ಈ ಠೇವಣಿ ಯೋಜನೆ ಹೆಚ್ಚಿನ ಮಾಹಿತಿಗೆ ಬನಶಂಕರಿ 2ನೇ ಹಂತದಲ್ಲಿರುವ ಬ್ಯಾಂಕ್‌ನಲ್ಲಿ ವಿಚಾರಿಸಬಹುದು (080-26710412, 9481703165).