ವಿಎಸ್‌ಒಸಿ ತಂತ್ರಾಂಶ ಅಭಿವೃದ್ಧಿ 

ಬೆಂಗಳೂರು:‌ಕ್ಲೌಡ್‌ ಕಂಪ್ಯೂಟಿಂಗ್‌ ಮತ್ತು ಡಾಟಾ ಸೆಂಟರ್‌ ತಂತ್ರಜ್ಞಾನ ಕ್ಷೇತ್ರದಲ್ಲಿ ಮುಂಚೂಣಿಯಲ್ಲಿರುವ ಸಿಂಕ್ರೊನಾಟ್‌ ಸಂಸ್ಥೆಯು ವರ್ಚುವಲ್‌ ಸಿಸ್ಟಂ ಆನ್‌ ಚಿಪ್‌ (ವಿಎಸ್‌ಒಸಿ) ತಂತ್ರಾಂಶ ಅಭಿವೃದ್ಧಿ‍ಪಡಿಸಿ ಮಾರುಕಟ್ಟೆಗೆ ಪರಿಚಯಿಸಿದೆ.

‘ಈ ತಂತ್ರಾಂಶವು ಕ್ಲೌಡ್‌ ಕಂಪ್ಯೂಟಿಂಗ್‌, ಎಡ್ಜ್‌ ಕಂಪ್ಯೂಟಿಂಗ್‌, ಡಾಟಾ ಸೆಂಟರ್‌ ಮತ್ತು ಐಒಟಿಗಳ ಗ್ರಹಿಕೆ ಹಾಗೂ ಅನುಷ್ಠಾನಗಳಲ್ಲಿ ಮಹತ್ವದ ಬದಲಾವಣೆ ತರುವ ನಿರೀಕ್ಷೆ ಇದೆ. ಕೂಲಿಂಗ್‌ ಮತ್ತು ಸಾಫ್ಟ್‌ವೇರ್‌ ಲೈಸೆನ್ಸಿಂಗ್‌ಗಳ ವೆಚ್ಚವನ್ನು ಶೇ 30 ರಿಂದ 50 ರಷ್ಟು ಕಡಿಮೆ ಮಾಡಬಹುದೆಂದು ಅಂದಾಜಿಸಲಾಗಿದೆ’ ಎಂದು ಪ್ರಕಟಣೆ ತಿಳಿಸಿದೆ.