ಹೊರಗೆ ಹೋಗಿ ಬಾಯಿ ತೆರೆದು ಸೀನಿ, ಎಲ್ಲರಿಗೂ ವೈರಸ್ ಹರಡಿ ಎಂದ ಟೆಕಿ ವಿರುದ್ಧ ದೂರು

ಬೆಂಗಳೂರು: ‘ಜನರೆಲ್ಲರೂ ಹೊರಗೆ ಹೋಗಿ ಸೀನಿ. ಎಲ್ಲರಿಗೂ ವೈರಸ್ ಹರಡಿ’ ಎಂದು ಹೇಳಿ ಫೇಸ್‌ಬುಕ್‌ನಲ್ಲಿ ಪೋಸ್ಟ್ ಪ್ರಕಟಿಸಿರುವ ಮುಜೀಬ್ ಎಂಬಾತನ ವಿರುದ್ಧ ಪ್ರಕರಣ ದಾಖಲಾಗಿದೆ.

‘ನಗರದ ಸಾಫ್ಟವೇರ್ ಕಂಪನಿಯಲ್ಲಿ ಕೆಲಸ ಮಾಡುತ್ತಿರುವ ಮುಜೀಬ್, 25 ವರ್ಷದಿಂದ ಬೆಂಗಳೂರಿನಲ್ಲಿ ಇದ್ದಾನೆ. ಎಲ್ಲರಿಗೂ ವೈರಸ್ ಹರಡಿ ಎಂದು ಹೇಳಿ ತನ್ನ ಫೇಸ್‌ಬುಕ್‌ ಖಾತೆಯಲ್ಲಿ ಬರೆದುಕೊಂಡಿದ್ದಾನೆ. ಆತನ ವಿರುದ್ಧ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ’ ಎಂದು ಸಿಸಿಬಿಯ ಜಂಟಿ ಕಮಿಷನರ್ ಸಂದೀಪ್ ಪಾಟೀಲ್ ತಿಳಿಸಿದ್ದಾರೆ.

ಆರೋಪಿ ತನ್ನ ಫೇಸ್‌ಬುಕ್‌ ಖಾತೆಯಲ್ಲಿ, ‘ಈ ಮಾತನ್ನು ಹರಡಿ ಮಾತು ಮುಗಿಸಿ’ ಎಂದು ತನ್ನ ಫೋಟೊ ಸಮೇತ ಬರೆದುಕೊಂಡಿದ್ದಾನೆ.