ದೂರದರ್ಶನಕ್ಕೆ ಆಯೋಗದ ಎಚ್ಚರಿಕೆ

ನವದೆಹಲಿ: ಯಾವುದೇ ಪಕ್ಷಗಳ ಪರ ಪ್ರಚಾರಕ್ಕೆ ಆದ್ಯತೆ ನೀಡುವಲ್ಲಿ ಎಚ್ಚರಿಕೆ ವಹಿಸಬೇಕು ಎಂದು ಕೇಂದ್ರ ಚುನಾವಣಾ ಆಯೋಗ ದೂರದರ್ಶನಕ್ಕೆ ಮಂಗಳವಾರ ಸೂಚಿಸಿದೆ. ಈ ಬಗ್ಗೆ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯದ ಕಾರ್ಯದರ್ಶಿಗೆ ಚುನಾವಣಾ ಆಯೋಗ ಪತ್ರ ಬರೆದಿದೆ.

ಪ್ರಧಾನಿ ಮೋದಿ ಅವರ ‘ಮೇ ಭಿ ಚೌಕೀದಾರ್‘ ಕಾರ್ಯಕ್ರಮ ಸಂಬಂಧ ದೂರದರ್ಶನಕ್ಕೆ ಇತ್ತೀಚೆಗೆ ಆಯೋಗ ಶೋಕಾಸ್‌ ನೋಟಿಸ್‌ ಜಾರಿ ಮಾಡಿತ್ತು. ಈ ಕಾರ್ಯಕ್ರಮಕ್ಕೆ 1 ತಾಸು ನೀಡಿದ್ದನ್ನು ವಿರೋಧಿಸಿ ವಿರೋಧಪಕ್ಷಗಳು ದೂರು ನೀಡಿದ್ದವು. ಸುದ್ದಿಗೆ ನಿಗದಿಯಾದ ಸಮಯದಲ್ಲಿ ಯಾವುದೇ ಪಕ್ಷಗಳ ನಡುವೆ ತಾರತಮ್ಯ ಮಾಡಬಾರದು ಎಂದು ಆಯೋಗ ನಿರ್ದೇಶಿಸಿದೆ.