ಬುದ್ಧ ಐಎಎಸ್‌ನಿಂದ ಉಚಿತ ತರಬೇತಿಗೆ ಚಾಲನೆ
ಬೆಂಗಳೂರು: ಬುದ್ಧ ಐಎಎಸ್‌ ಸಂಸ್ಥೆಯು ಕೇಂದ್ರ ಲೋಕಸೇವಾ ಆಯೋಗದ (ಯುಪಿಎಸ್‌ಸಿ) ಸ್ಪರ್ಧಾತ್ಮಕ ಪರೀಕ್ಷೆ ಎದುರಿಸಲು ಬಯಸುವ ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡ, ಹಿಂದುಳಿದ ವರ್ಗಗಳು ಮತ್ತು ಅಲ್ಪಸಂಖ್ಯಾತ ಸಮುದಾಯಗಳ ವಿದ್ಯಾರ್ಥಿಗಳಿಗೆ ಹಮ್ಮಿಕೊಂಡಿರುವ ಉಚಿತ ತರಬೇತಿಗೆ ಚಾಲನೆ ದೊರಕಿದೆ.
ವಿಧಾನಸಭೆ ವಿರೋಧ ಪಕ್ಷದ ನಾಯಕ ಸಿದ್ದರಾಮಯ್ಯ ಅವರು ತಮ್ಮ ಅಧಿಕೃತ ನಿವಾಸದಲ್ಲಿ ಶುಕ್ರವಾರ ನಡೆದ ಕಾರ್ಯಕ್ರಮದಲ್ಲಿ ತರಬೇತಿಗೆ ಚಾಲನೆ ನೀಡಿದರು. ಬುದ್ಧ ಐಎಎಸ್‌ನ ಮುಖ್ಯಸ್ಥ ರಘು, ಸಂಯೋಜಕರಾದ ಚೆ. ಬಾಲು, ಕೋಟಿಗಾನಹಳ್ಳಿ ರಾಮಯ್ಯ, ಚಿದಾನಂದ, ಕೆಎಎಸ್‌ ಅಧಿಕಾರಿ ಅರ್ಜುನ್‌ ಒಡೆಯರ್‌, ಮುರಳಿ ಮೋಹನ್‌ ಕಾಟಿ ಇದ್ದರು.
ಬುದ್ಧ ಐಎಎಸ್‌ ಸಂಸ್ಥೆಯು ಈ ಯೋಜನೆಯಡಿ 3,000 ಅಭ್ಯರ್ಥಿಗಳಿಗೆ ಉಚಿತ ತರಬೇತಿ ನೀಡಲಿದೆ. 1,000 ಗಂಟೆಗಳ ತರಗತಿ, ಮಾದರಿ ಪರೀಕ್ಷೆ ಕೂಡ ನಡೆಸಲಿದೆ. ಆಸಕ್ತರು ಹೆಚ್ಚಿನ ಮಾಹಿತಿಗಾಗಿ ದೂರವಾಣಿ ಸಂಖ್ಯೆ 7676211367/ 9739109401 ಸಂಪರ್ಕಿಸಬಹುದು ಎಂದು ಸಂಸ್ಥೆಯ ಪ್ರಕಟಣೆ ತಿಳಿಸಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.