50 ಮಹಿಳೆಯರಿಗೆ ಇ-ಆಟೋ ವಿತರಣೆ

ಕೆ.ಆರ್.ಪುರ: ‘ಮಹಿಳೆಯರಿಗೆ ಆರ್ಥಿಕ ಸ್ವಾತಂತ್ರ್ಯ ಮತ್ತು ಕೌಶಲ ಅಭಿವೃದ್ಧಿಗೆ ಪ್ರೇರೇಪಿಸುವ ಗುರಿಯನ್ನು ಇಕೋ-ವ್ಹೀಲ್ಸ್ ವುಮೆನ್ಸ್ ಯೋಜನೆ ಹೊಂದಿದೆ’ ಎಂದು ಹರ್ಬಲ್ ​ಲೈಫ್​ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಅಜಯ್ ಖನ್ನಾ ಹೇಳಿದರು.

ಕೆ.ಆರ್.ಪುರ ಸಮೀಪದ ಕಿತ್ತಗನೂರಿನಲ್ಲಿ ಹರ್ಬಲ್​ಲೈಫ್​, ಶಿಶು ಮಂದಿರದ ಸಹಭಾಗಿತ್ವದೊಂದಿಗೆ ‘ಇಕೋ-ವ್ಹೀಲ್ಸ್‌ ವುಮೆನ್ಸ್ ಇನಿಶಿಯೇಟಿವ್' ಯೋಜನೆಯ ಮೂಲಕ 50 ಫಲಾನುಭವಿಗಳಿಗೆ ಇ-ಆಟೋಗಳನ್ನು ವಿತರಿಸಿ ಮಾತನಾಡಿದರು.

ಸಾಮಾಜಿಕವಾಗಿ ತುಳಿತಕ್ಕೆ ಒಳಗಾದವರು, ವಿಧವೆಯರು, ಆರ್ಥಿಕವಾಗಿ ಹಿಂದುಳಿದವರು, ಒಂಟಿ ತಾಯಂದಿರು ಹಾಗೂ ಬಡತನ ರೇಖೆಗಿಂತ ಕೆಳಗಿರುವವರು ಇ-ಆಟೋ ಯೋಜನೆಯ ಫಲಾನುಭವಿಗಳು ಎಂದರು.

ಶಾಸಕಿ ಮಂಜುಳಾ ಲಿಂಬಾವಳಿ, ಶಿಶು ಮಂದಿರದ ಸಂಸ್ಥಾಪಕ ಡಾ.ಹೆಲ್ಲಾ ಮುಂಡ್ರಾ, ಶಿಶು ಮಂದಿರದ ನಿರ್ದೇಶಕ ಆನಂದ್ ಇದ್ದರು.‌