ಮನ್ಸೂರ್‌ ಒಡೆತನದ ಫ್ರಂಟ್‌ ಲೈನ್ ಫಾರ್ಮಸಿ ಶೋಧ

ಬೆಂಗಳೂರು: ಸಾವಿರಾರು ಜನರಿಂದ ಕೋಟ್ಯಂತರ ಮೊತ್ತ ಷೇರು ಸಂಗ್ರಹಿಸಿ ವಂಚಿಸಿರುವ ಐಎಂಎ ಸಮೂಹ ಸಂಸ್ಥೆಯ ಮನ್ಸೂರ್‌ ಖಾನ್‌ ಒಡೆತನದಲ್ಲಿರುವ ಫ್ರಂಟ್‌ ಲೈನ್ ಫಾರ್ಮಸಿಯ ಮೂರು ಮಳಿಗೆಗಳ ಮೇಲೆ ವಿಶೇಷ ತನಿಖಾ ತಂಡದ (ಎಸ್‌ಐಟಿ) ಅಧಿಕಾರಿಗಳು ಮಂಗಳವಾರ ಕೂಡಾ ಶೋಧ ಕಾರ್ಯ ಮುಂದುವರಿಸಿದರು.

ಮಲ್ಲೇಶ್ವರದಲ್ಲಿರುವ ಮಳಿಗೆಯಲ್ಲಿ ₹ 2.22 ಲಕ್ಷ ನಗದು ಮತ್ತು ₹ 53 ಲಕ್ಷದ ಔಷಧಿಗಳನ್ನು ಮತ್ತು ವಿದ್ಯುನ್ಮಾನ ಉಪಕರಣಗಳನ್ನು ಅಧಿಕಾರಿಗಳು ವಶಪಡಿಸಿಕೊಂಡಿದ್ದಾರೆ.

ಯಶವಂತಪುರ ಮತ್ತು ವಿಜಯನಗರದಲ್ಲಿರುವ ಮಳಿಗೆಗಳಲ್ಲಿ ಶೋಧ ಕಾರ್ಯ ಮುಂದುವರಿದಿದೆ ಎಂದು ಎಸ್‌ಐಟಿ ಮೂಲಗಳು ತಿಳಿಸಿವೆ.