ಲಾಲ್‌ಬಾಗ್‌: ಆನೆಗಳ ಪ್ರತಿಕೃತಿಗಳ ಪ್ರದರ್ಶನ

ಬೆಂಗಳೂರು: ಕಳೆ ಗಿಡಗಳ ಕಾಂಡದಿಂದ ತಯಾರಿಸಲಾದ ಆನೆಗಳ ಕಲಾಕೃತಿಗಳ ಪ್ರದರ್ಶನವನ್ನು ಲಾಲ್‌ಬಾಗ್‌ನಲ್ಲಿ ಆಯೋಜಿಸಲಾಗಿದ್ದು, ಪ್ರದರ್ಶನಕ್ಕೆ ಫೆ.3ರಂದು ಚಾಲನೆ ದೊರೆಯಲಿದೆ. ‌

ಫೆ.3ರಿಂದ ಮಾರ್ಚ್ 3ರವರೆಗೆ ದೊಡ್ಡ ಆನೆ ಹಾಗೂ ಮರಿಯಾನೆಯ 60 ಕಲಾಕೃತಿಗಳನ್ನು ಪ್ರದರ್ಶನಕ್ಕೆ ಇಡಲಾಗುವುದು. ಗಾಜಿನಮನೆ ಸಮೀಪದ ಹುಲ್ಲುಹಾಸು ಪ್ರದೇಶ, ಗಾಜಿನ ಮನೆ ಹಿಂಭಾಗದ ಪ್ರದೇಶಗಳಲ್ಲಿ ಪ್ರದರ್ಶನಗೊಳ್ಳಲಿವೆ. ಸೋಲಿಗ, ಜೇನು ಕುರುಬ, ಬೆಟ್ಟ ಕುರುಬ ಸೇರಿದಂತೆ ಇತರೆ ಬುಡಕಟ್ಟು ಸಮುದಾಯದ ಕಲಾವಿದರು ಕಳೆ ಗಿಡಗಳ ಕಾಂಡ ಬಳಸಿಕೊಂಡು ಆನೆಗಳ ಕಲಾಕೃತಿಗಳನ್ನು ಸಿದ್ಧಪಡಿಸಿದ್ದಾರೆ ಎಂದು ತೋಟಗಾರಿಕೆ ಇಲಾಖೆ ಜಂಟಿ ನಿರ್ದೇಶಕ ಎಂ. ಜಗದೀಶ್‌ ತಿಳಿಸಿದ್ದಾರೆ.