ಠಾಣೆಗೊಂದು ಪುಟ್ಟ ಗ್ರಂಥಾಲಯ!

ಬೆಂಗಳೂರು: ಪೊಲೀಸ್ ವೃತ್ತಿಯ ಜೊತೆಗೆ ಜ್ಞಾನಾರ್ಜನೆಗೆ ಅವಕಾಶ ಕಲ್ಪಿಸುವ ಉದ್ದೇಶದಿಂದ ದಕ್ಷಿಣ ವಿಭಾಗದಲ್ಲಿರುವ 17 ಠಾಣೆಗಳಲ್ಲಿ ಪುಟ್ಟ ಗ್ರಂಥಾಲಯಗಳನ್ನು ಆರಂಭಿಸಲಾಗಿದೆ.

ಪ್ರತಿ ಗ್ರಂಥಾಲಯಗಳಲ್ಲಿ ತಲಾ 20 ಪುಸ್ತಕಗಳಿವೆ. ನಮ್ಮ ಈ ಯೋಚನೆ ಇಷ್ಟವಾದರೆ ನೀವೂ ಪುಸ್ತಕ ನೀಡಿ ಎಂದು ಡಿಸಿಪಿ ಅಣ್ಣಾಮಲೈ ಟ್ವೀಟ್‌ ಮಾಡಿದ್ದಾರೆ.

ಠಾಣೆಯಲ್ಲಿರುವ ಪೊಲೀಸರು ಬಿಡುವಿನ ಸಮಯದಲ್ಲಿ ಪುಸ್ತಕ ಓದುವ ಮೂಲಕ ಜ್ಞಾನ ವೃದ್ಧಿಸಿಕೊಳ್ಳಲು ಈ ಗ್ರಂಥಾಲಯ ಸಹಕಾರಿ ಆಗಲಿದೆ. ಭಿನ್ನ ಪುಸ್ತಕಗಳ ಓದಿನಿಂದ ಜ್ಞಾನ ಹೆಚ್ಚಿಸುವ ಜೊತೆಗೆ ತಮ್ಮ ಕೆಲಸ ಕಾರ್ಯಗಳಲ್ಲಿ ಚುರುಕುತನ ಬರಲಿ. ಅಧಿಕಾರಿಗಳು ಸದೃಢರಾಗಲಿ ಎಂಬ ಉದ್ದೇಶದಿಂದ ಗ್ರಂಥಾಲಯ ಸ್ಥಾಪಿಸಲಾಗಿದೆ’ ಎಂದು ಟ್ವೀಟ್ ಮಾಡಿದ್ದಾರೆ.