ಬೆಂಗಳೂರು: ಮಾಲಿ–ಹೂಗಾರ, ಮೇದರ ಅಭಿವೃದ್ಧಿ ನಿಗಮ ಸ್ಥಾಪನೆ

ಬೆಂಗಳೂರು: ಕರ್ನಾಟಕ ಮಾಲಿ–ಮಾಲಗಾರ್, ಹೂಗಾರ ಮತ್ತು ಮೇದರ ಅಭಿವೃದ್ಧಿ ನಿಗಮ ಸ್ಥಾಪಿಸಿ ರಾಜ್ಯ ಸರ್ಕಾರ ಆದೇಶ ಹೊರಡಿಸಿದೆ.

ಹೂವಾಡಿಗ, ಹುಗಾರ್, ಹೂಗಾರ್, ಮಾಲಗಾರ್, ಮಾಲಿ, ಫೂಲ್‌ಮಾಲಿ, ಫುಲ್‌ಮಾಲಿ, ಫುಲಾರಿ, ಫೂಲಾರಿ, ಜೀರ್‌ ಉಪಜಾತಿಗಳನ್ನು ಒಳಗೊಂಡು ‘ಮಾಲಿ–ಮಾಲಗಾರ್ ಮತ್ತು ಹೂಗಾರ ಅಭಿವೃದ್ಧಿ ನಿಗಮ’ ಸ್ಥಾಪಿಸಲಾಗಿದೆ.

ಮೇದರ, ಬಟ್ಟರ್‌, ಬರ್ನೆಡ್‌, ಗೌರಿಗ, ಮೇದರಿ, ಬುರುಡ್‌ ಸಮುದಾಯಗಳ ಸರ್ವತೋಮುಖ ಅಭಿವೃದ್ಧಿಗಾಗಿ ‘ಮೇದರ ಅಭಿವೃದ್ಧಿ ನಿಗಮ’ ಸ್ಥಾಪಿಸಲಾಗಿದೆ ಎಂದು ಆದೇಶ ಹೇಳಿದೆ.

ಕಾಯಕ ಆಧರಿಸಿದ ಸಮುದಾಯಗಳ ಅಭಿವೃದ್ಧಿಗಾಗಿ ಪ್ರತ್ಯೇಕ ನಿಗಮ ರಚಿಸುವುದಾಗಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವರು ಬಜೆಟ್‌ನಲ್ಲಿ ಘೋಷಿಸಿದ್ದರು. ಅದಾದ ಎರಡೇ ದಿನಗಳಲ್ಲಿ ನಾರಾಯಣಗುರು ಈಡಿಗ ಅಭಿವೃದ್ಧಿ ನಿಗಮ, ಗಾಣಿಗ ಹಾಗೂ ಹಡಪದ ಅಭಿವೃದ್ಧಿ ನಿಗಮಗಳನ್ನು ರಚಿಸುವ ಆದೇಶ ಹೊರಡಿಸಲಾಗಿತ್ತು.