ಬಿಬಿಎಂಪಿಯ ಬೃಹತ್‌ ಕಾಮಗಾರಿಗಳಿಗೆ ಮುನೀಶ್‌ ಮೌದ್ಗಿಲ್‌ ಉಸ್ತುವಾರಿ

ಬೆಂಗಳೂರು: ಬಿಬಿಎಂಪಿಯ ಬೃಹತ್‌ ಕಾಮಗಾರಿಗಳ ಉಸ್ತುವಾರಿಗೆ ಕಂದಾಯ ವಿಭಾಗದ ವಿಶೇಷ ಆಯುಕ್ತ ಮುನೀಶ್‌ ಮೌದ್ಗಿಲ್‌ ಅವರನ್ನು ನೋಡಲ್‌ ಅಧಿಕಾರಿಯಾಗಿ ನೇಮಿಸಲಾಗಿದೆ.

ಉಪ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್‌ ಅವರ ಸೂಚನೆಯಂತೆ ಮುಖ್ಯ ಆಯುಕ್ತ ತುಷಾರ್‌ ಗಿರಿನಾಥ್‌ ಅವರು ಆದೇಶ ಹೊರಡಿಸಿದ್ದಾರೆ.

ರಸ್ತೆಗಳ ವೈಟ್‌ ಟಾ‍ಪಿಂಗ್‌, ಹೈ–ಡೆನ್ಸಿಟಿ ಕಾರಿಡಾರ್‌, ಲಾಸ್ಟ್‌ ಮೈಲ್‌ ಕನೆಕ್ಟಿವಿಟಿ, ಈಜಿಪುರ ಮೇಲ್ಸೇತುವೆ ಯೋಜನೆ ಸೇರಿದಂತೆ ಮುಖ್ಯ ಆಯುಕ್ತರಿಂದ ಸೂಚಿಸಲಾಗುವ ಇತರೆ ಯೋಜನೆಗಳಿಗೆ ಮುನೀಶ್‌ ನೋಡಲ್‌ ಅಧಿಕಾರಿಯಾಗಿರುತ್ತಾರೆ. ಈ ಎಲ್ಲ ಕಾಮಗಾರಿಗಳನ್ನು ತ್ವರಿತವಾಗಿ ಪೂರ್ಣಗೊಳಿಸಲು, ಪ್ರಗತಿ ಪರಿಶೀಲನೆ ನಡೆಸಿ ಗುತ್ತಿಗೆದಾರರು ಹಾಗೂ ಎಂಜಿನಿಯರ್‌ಗಳಿಗೆ ಸೂಚನೆ ನೀಡಬಹುದಾಗಿದೆ.