ರಾಜಾಜಿನಗರ: ಪಾರ್ಕ್‌ನಲ್ಲಿ ಮಲಗಿದ್ದಾಗ ಮರ ಬಿದ್ದು ಸಾವು

ಬೆಂಗಳೂರು: ರಾಜಾಜಿನಗರದ ಬಿಬಿಎಂಪಿ ಉದ್ಯಾನದಲ್ಲಿ ಮರ ಬಿದ್ದು ಲಕ್ಷ್ಮಣ್ ಎಂಬುವವರು ಮೃತಪಟ್ಟಿದ್ದಾರೆ.

ಬಿಬಿಎಂಪಿ ತ್ಯಾಜ್ಯ ವಿಲೇವಾರಿ ವಾಹನದ ಚಾಲಕನಾಗಿರುವ ಲಕ್ಷ್ಮಣ್ (30) ಅವರು ನವರಂಗ್ ಚಿತ್ರಮಂದಿರದ ಬಳಿಯ ಉದ್ಯಾನದಲ್ಲಿ ಭಾನುವಾರ ಮಲಗಿದ್ದರು. ಆಗ ಮರವೊಂದು ಅವರ ಮೇಲೆ ಬಿದ್ದು, ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.

ರಾಜಾಜಿನಗರ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದರು.