ಕೆ.ಆರ್.ಪುರ: ಸಂಭ್ರಮದ ಶ್ರೀಪಟಾಲಮ್ಮ ದೇವಿ ಉತ್ಸವ

ಕೆ.ಆರ್.ಪುರ: ಗುಂಜೂರು ಗ್ರಾಮದ ಗ್ರಾಮ ದೇವತೆ ಶ್ರೀಪಟಲಾಮ್ಮ ದೇವಿಯ ಉತ್ಸವವು ವಿಜೃಂಭಣೆಯಿಂದ ನಡೆಯಿತು.

ಗುಂಜೂರು ಮತ್ತು ಬಳಗೆರೆ, ಗುಂಜೂರುಪಾಳ್ಯ, ಗುಂಜೂರು ಹೊಸಹಳ್ಳಿ ಗ್ರಾಮಗಳ ಸಾವಿರಕ್ಕೂ ಹೆಚ್ಚು ಮಹಿಳೆಯರು ತಂಬಿಟ್ಟಿನ ಕಳಸ ಹೊತ್ತು ಮೆರವಣಿಗೆ ಸಾಗಿದರು. ಗ್ರಾಮಗಳ ಪ್ರಮುಖ ಬೀದಿಗಳಲ್ಲಿ ನಡೆದ ತಂಬ್ಬಿಟ್ಟಿನ ಆರತಿ ಮೆರವಣಿಗೆ ನೋಡುಗರ ಗಮನ ಸೆಳೆಯಿತು.

ದೇವರಿಗೆ ವಿಶೇಷ ಪೂಜೆ ಸಲ್ಲಿಸುವ ಜೊತೆಗೆ ಹೂವಿನ ಅಲಂಕಾರ ಮಾಡಲಾಗಿತ್ತು. ಮೆರವಣಿಗೆಯಲ್ಲಿ ಮಂಗಳವಾದ್ಯ, ತಮಟೆ, ಡೊಳ್ಳು ಕುಣಿತ, ವೀರಗಾಸೆ ವಾದ್ಯದ ತಂಡಗಳು ಮೆರಗು ನೀಡಿದವು. ತಮಟೆ ಸದ್ದಿಗೆ ಯುವಕರು ಕುಣಿದರು. ಉತ್ಸವದಲ್ಲಿ ಭಕ್ತರು ಉತ್ಸುಕತೆಯಿಂದ ಭಾಗವಹಿಸಿದ್ದರು.

ಈ ಸಂಧರ್ಭದಲ್ಲಿ ಗ್ರಾಮದ ಮುಖಂಡರಾದ ಮನೋಹರರೆಡ್ಡಿ, ನಾಗೇಶ್, ರಾಜಾರೆಡ್ಡಿ, ಗುಂಜೂರು ರಾಮಕೃಷ್ಣಪ್ಪ, ಕಿಶೋರ್ ಕುಮಾರ್ ರೆಡ್ಡಿ ಇದ್ದರು.