ವಿಡಿಯೊ: ಜೊಮಾಟೊ ಡೆಲಿವರಿ ಬಾಯ್‌ ಜಾಕೆಟ್ ಧರಿಸಿದ್ದ ಯುವಕನಿಂದ ಕಳ್ಳತನ?

ಬೆಂಗಳೂರು: ಜೊಮಾಟೊ ಡೆಲಿವರಿ ಬಾಯ್‌ ಜಾಕೆಟ್ ಧರಿಸಿದ್ದ ಯುವಕನೊಬ್ಬ ಬೆಂಗಳೂರಿನ ಎಲೆಕ್ಟ್ರಾನಿಕ್ ಸಿಟಿ ವ್ಯಾಪ್ತಿಯ ಬಸಾಪುರದಲ್ಲಿನ ಮಳಿಗೆಯೊಂದರಿಂದ ಬ್ಯಾಗ್ ಕದ್ದೊಯ್ದ ಪ್ರಸಂಗ ನಡೆದಿದೆ.

ಈ ಕುರಿತ ವಿಡಿಯೊ ಒಂದನ್ನು Karnataka Portfolio ಎಂಬ ಖಾತೆ ಎಕ್ಸ್ ನಲ್ಲಿ ಹಂಚಿಕೊಂಡಿದೆ.

ಬಸಾಪುರದಲ್ಲಿನ ಗ್ರ್ಯಾಂಡ್ ಮಾರ್ಟ್ ಮುಂದೆ ಭದ್ರತಾ ಘಟಕದಲ್ಲಿ ಇಟ್ಟಿದ್ದ ಗ್ರಾಹಕರ ಬ್ಯಾಗ್‌ ಅನ್ನು ಜೊಮಾಟೊ ಡೆಲಿವರಿ ಬಾಯ್‌ ಜಾಕೆಟ್ ಧರಿಸಿದ್ದ ಯುವಕ ಹೊಂಚು ಹಾಕಿ ಕದ್ದೊಯ್ದಿದ್ದಾನೆ. ಈ ವಿಡಿಯೊ ಮಾರ್ಟ್‌ನ ಸಿಸಿಟಿವಿಯಲ್ಲಿ ದಾಖಲಾಗಿದೆ.

ವಿಡಿಯೊವನ್ನು Karnataka Portfolio ಬೆಂಗಳೂರು ಪೊಲೀಸರ ಗಮನಕ್ಕೆ ತಂದಿದ್ದು ಕ್ರಮಕ್ಕೆ ಆಗ್ರಹಿಸಿದೆ.

ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಬೆಂಗಳೂರು ಪೊಲೀಸರು ಪ್ರಕರಣವನ್ನು ಸಂಬಂಧಿಸಿದ ಪೊಲೀಸ್ ಠಾಣೆಗೆ ವರ್ಗಾಯಿಸಲಾಗಿದೆ ಎಂದು ತಿಳಿಸಿದೆ.